Ғылыми апталық аясында «Бөлме өсімдіктерінің өсуі мен дамуына биологиялық стимулятордың әсері» тақырыбында дөңгелек үстел өтті

Ғылыми апталық аясында «Бөлме өсімдіктерінің өсуі мен дамуына биологиялық стимулятордың әсері» тақырыбында дөңгелек үстел өтті

Қазақстанның ғылыми қызметкерлері күніне орай 16 сәуір күні М.Өтемісов атындағы Батыс Қазақстан мемлекеттік университеті жаратылыстану-география факультетінің ұйымдастыруымен «Бөлме өсімдіктерін өсіру мен дамуына биологиялық стимулятор ретінде әсер ету» тақырыбында дөңгелек үстел «ZOOM» бағдарламасын пайдаланып, онлайн өткізілді. Дөңгелек үстел жұмысына «Биология» білім бағдарламасының студенттері мен факультеттің профессор-оқытушы құрамы белсене қатынасты. Дөңгелек үстел модераторы, факультет деканы А.А.Тургумбаев алғы сөзбен бастап, дөңгелек үстел жұмысына сәттілік тіледі. Жұмыс барысында биология және экология кафедрасының аға оқытушысы Ж.С.Кажмуратова бөлме өсімдіктерін биологиялық жолмен күтіп-бағу бағытында сөз қозғаса, «Биология» білім бағдарламасының 1-курс студенттері А.Асқарова «Замиякулькас өсімдігінің күтімі», А.Гатау «Слатифуллум өсімдігінің биологиялық сипаттамасы мен күту ерекшелігі» және 2 курс студенті Г.Смағұлова «Өсімдіктерді көбейтуде фитогормондарды қолдану» тақырыбында  баяндамаларын жасады. Дөңгелек үстел соңында сұрақтар қойылып, «Қазақстан-Орал» телеарнасында осы бағыттағы тақырып бойынша жасалған Ж.Кажмуратованың бейнебаяны көрсетілді.

Жаратылыстану-география факультетінің деканаты

Ұлы Отан соғысына қатысқан Орал өңірінің мерген қазақ қыздары

15 сәуір күні  Ұлы Жеңістің 75 жылдығына арналған «Ұлы Отан соғысына қатысқан Орал өңірінің мерген қазақ қыздары» атты студенттердің он-лайн конференциясы өткізілді.

Еліміздегі қалыптасқан төтенше жағдайға байланысты  zoom  бағдарламасы арқылы  қашықтықтан өткізілген конференцияға Тарих және экономика, құқ факультетінің   Ист -21, Ист-31, МО-11 және Филология факультетінің Фил- 23  тобының студенттері қатысты.

Конференцияны ұйымдастырушы т.ғ.к., доцент Б.С.Боранбаеваның кіріспе сөзінен кейін Ист -31 тобының студенті Аққағаз Мадина  Ақтөбе облыстық музей деректері  негізінде  «Қазақтың батыр қызы – Әлия Молдағұлова» атты  баяндама жасады. Бұдан соң   Кеңес Одағының Батыры  Ә. Молдағұлова оқыған Подольск мерген қыздар мектебін бітіріп, майданда ерлік көрсеткен Оралдық мерген қыздар туралы  құжаттар мен суреттердің бейне көрсетілімдері (слайд) арқылы төмендегідей баяндалар тыңдалды.

kojahmatova

Мүслима Кожахметова

toktamyshevam

Мәлика Тоқтамышева

gabdusheva

Әлима Габдушева

1.       «Мерген қыз – Мәлика Тоқтамышева» баяндамашы  – Ист -31 тобының студенті  Мұхтар Әділ

2.      «Қызыл Жұлдыз» орденінің иегері мерген – Әлима Габдушева»  баяндамашы  – Ист  -21 тобының студенті Шакенова Дина

3.      «Дзот үнін өшірген қазақ қызы» баяндамашы  – Ист-31 тобының студенті Насипқали Еркебұлан  

Конференция соңында баяндамашыларды тыңдаған студенттер пікірлері тыңдалды. Фил- 23 тобының студенті Бақытбаева Гүлбибі: Біз мерген қыз Ә. Молдағұлованы ғана білетін едік. Енді өз өлкемізден шыққан қазақтың 3 мерген қыздар  туралы тың мәлімет алдық. Баяндамашыларға үлкен рахмет. Қазақ қыздары ұяң болды.  Ерлік жасадық деп айтпады. Олар ел қорғау әркімнің міндеті деп түсінген. Ал, біз неге соларды мақтанышпен айтуға асықпаймыз. Мен, мерген қыздар Мәлика Тоқтамышева мен Мүслима Кожахметова  Жымтиты ауылынан шыққанын жерлестері білеме деп  ойланып отырмын...  Жауынгер қазақ қыздарын насихаттау жетіспей отырғанын түсіндім деді. 

 

«Ұлы Отан соғысына қатысқан Орал өңірінің мерген қазақ қыздарының ерлігі» атты  студенттердің  он-лайн конференциясының бағдарламасы

 

Әбу Насыр әл-Фараби – Ұлы Даланың рухани ұстазы

                                              Әбу Насыр әл-Фараби – Ұлы Даланың рухани ұстазы

         Қазақстанның Тұңғыш Президенті Нұрсұлтан Назарбаевтың  ел ішінде кең қолдау тапқан «Рухани жаңғыру» бағдарламасының кезекті жалғасы ретінде жарияланған «Ұлы Даланың жеті қыры» мақаласында: «Көпшіліктің санасында тарихи үдерістер негізінен тұлғаландыру сипатына ие болатыны белгілі. Көптеген халықтар өз елінің ерекше елшісі сынды ұлы бабаларының есімдерін мақтан тұтады. Мысалы, өткен дәуірлердегі Тутанхамон, Конфуций, Ескендір Зұлқарнайын, Шекспир, Гете, Пушкин және Джордж Вашингтон сияқты дүние жүзіне белгілі тұлғалар бүгінде өз мемлекеттерінің баға жетпес символдық капиталы саналады әрі сол елдердің халықаралық аренада тиімді ілгерілеуіне септігін тигізіп отыр. Ұлы Дала әл-Фараби мен Ясауи, Күлтегін мен Бейбарыс, әз-Тәуке мен Абылай, Кенесары мен Абай және басқа да көптеген ұлы тұлғалар шоғырын дүниеге әкелді. Бұл бағытта қазақстандық ғалымдармен қатар шетелдік мамандар тартылатын халықаралық көпбейінді ұжым құруға болады. Нәтижесінде біздің қаһармандарымыздың өмірі мен қызметі жөнінде тек еліміздегілер ғана емес, сондай-ақ шет елдегілер де білетін болады» делінген. Ал Қазақстан  Республикасы Президенті Қасым-Жомарт Тоқаев Білім және ғылым қызметкерлерінің Республикалық тамыз конференциясында сөйлеген сөзінде: «Жаңа ұрпақты алдағы сын-қатерлерге дайындау қажет. Олар еңбексүйгіштік идеялары мен құндылықтары негізінде тәрбиеленуі тиіс. Тарихы терең дәстүр сабақтастығы ұлттық тәрбие арқылы беріледі. "Әрбір тәрбиеші баланы ұлт дәстүрімен тәрбиелеуге міндетті" (Мағжан Жұмабаев). Ұлттық құндылыққа қанығып өскен өреннің танымы терең, ділі берік болады. Ұлы Абай үнемі сынға алған масылдық қоғамға ешқашан жақсылық әкелген емес. Соны түсінетін жастарымыз тек біліммен қаруланып, еңбекке ғана арқа сүйеуі тиіс. Лайықты азамат – білімді, Отанына адал, елін, жерін сүйетін адам. Бұл әлемде Қазақстаннан басқа Отанымыз жоқ. Елін шынайы сүйетін азаматтарды тәрбиелеу – ұстаз мақсаты. Тәрбие – сапалы білімнің негізгі арқауы, діңгегі. Әл-Фарабидің "Тәрбиесіз берілген білім – адамзаттың қас жауы" деген сөзі барша білім саласы қызметкерлерінің бой түзер бағдары болуы тиіс. Отандық білім саласы туған жеріңе, қоршаған ортаңа, өз тарихыңа құрметпен қарауға тәрбиелеп, ұлттық құндылықтарды дәріптеуі тиіс»,-деп баса айтқан-ды. Тап осы бағдарлар жүйесінде М.Өтемісов атындағы Батыс Қазақстан мемлекеттік университетінде Батыс Қазақстан облысы Білім басқармасымен бірлесе отырып, «Рухани жаңғыру» институтының ұйымдастыруымен «Адамзаттың екінші ұстазы», «Шығыстың Аристотелі» атанған энциклопедист ғалым, ғұлама ойшыл Әбу Насыр әл-Фарабидің 1150 жылдығына арналған «Әбу Насыр әл-Фараби – Ұлы Даланың рухани ұстазы» тақырыбындағы халықаралық онлайн-дөңгелек үстелі өткізілді. Ұлы Даланың ұлағатты тұлғасы Әбу Насыр әл-Фараби мұрасын бүгінгі жаңа ұрпаққа таныту, насихаттау мақсатында ұйымдастырылған халықаралық онлайн-дөңгелек үстел жұмысына университеттің профессор-оқытушылары мен магистрант-студенттеріне қоса, Орал қаласы мектептерінің тарих пәні мұғалімдері, педагог-зерттеушілері көптеп қатысты. Бұл ретте дөңгелек үстел басындағы басқосу жиынына  Г.А.Төлегенова (Жұбан Молдағалиев атындағы №2 ЖОББМ), Л.С.Сисенова (№22 ЖОББМ), А.Т.Ережепова (М.Б.Ықсанов атындағы №36 ЖОББМ), А.М.Шәріп (Серебрякова ЖОББМ), С.З.Халелова (№47 ЖОББМ), Г.Е.Мажимова (№18 ЖОББМ),  Е.Ұ.Тілегенов (Хиуаз  Доспанова атындағы №30 ЖОББМ), М.М.Сағитова (№9 ЖОББМ), Б.Е.Бисенғалиева ( Ахмет Байтұрсынов атындағы №10 ЖОББМ), Н.Н.Храмова (№13 ЖОББМ), Ж.Т.Жұмабай (А.С.Макаренко атындағы №6 ЖОББМ), Н.И.Алышева (Круглоозерное ЖОББМ), Қ.А.Тастілеуов (№17 ЖОББМ), К.М. Саядян (№16 ЖОББМ), М.Б.Даулетиярова (№3 ЖОББМ), Г.Ә.Құжахметова (№9 ЖОББМ), С.В.Бабий (№7 ЖОББМ), Қ.Т.Өтешқалиева (№32 ЖОББМ) сынды педагог-зерттеушілер белсенділік танытты. Халықаралық онлайн-дөңгелек үстелі модераторы ретінде М.Өтемісов атындағы Батыс Қазақстан мемлекеттік университетінің «Рухани жаңғыру» институтының директоры, педагогика ғылымдарының докторы, профессор, Қазақстан Педагогикалық ғылымдар академиясының академигі Абат Сатыбайұлы Қыдыршаев жүргізді. Дөңгелек үстелдің алғы сөзін «Әбу Насыр әл-Фараби – әлемдік өркениеттің рухани үлгісі» тақырыбында М.Өтемісов атындағы Батыс Қазақстан мемлекеттік университетінің ректоры, б.ғ.к., қауымдастырылған профессор Серғалиев Нұрлан Хабиболлаұлы алып, ғалым мұрасын зерделеудің, кейінгі ұрпаққа насихаттаудың маңыздылығына тоқталды. Одан кейін БҚО Білім  басқармасы басшысы Тұржанова Айымгүл  Мақсотқызы сөзалып, кемеңгер ұстаздың ұлағаттылығына бойлай білді.

             Жиын барысында фарабитану іліміне қатысты бірнеше тақырыптық баяндамалар жасалды. Бұл ретте п.ғ.д., профессор Қыдыршаев Абат Сатыбайұлы «Әбу Насыр әл-Фараби – Ұлы Даланың рухани ұстазы» тақырыбында алғашқы баяндама жасап, ғұлама ғалымның мол мұрасына қатысты кең көлемді ауқымды ойларды таразылады. Дөңгелек үстел барысында онлайн жүйесінде «Еуразия халықтарының достастығы» ОХА басқарма төрағасы, Орынбор мемлекеттік университетінің Оңтүстік Орал тарихы мен этнографиясы ҒЗИ директоры, тарихғылымдарының докторы,  профессор (Ресей Федерациясы, Орынбор қ.) Амелин Веналий Владимирұлы «Әл-Фарабидің әлемдік философияға қосқан үлесі», Н.Чернышевский атындағы СМУ Тарих және халықаралық қатынастар институтының халықаралық қатынастар және Ресей сыртқы саясаты кафедрасының доценті, тарих  ғылымдарының кандидаты (Ресей Федерациясы, Саратов қ. ) Лапенко Марина Владимирқызы «Әл-Фараби – түркі әлемінің ұлы ойшылы» тақырыптарында баяндама жасады. Сондай-ақ жиын барысында М.Өтемісов атындағы Батыс Қазақстан мемлекеттік университетінің ғылыми жұмыс және халықаралық байланыс жөніндегі проректоры, география ғылымдарының кандидаты, доцент, қауымдастырылған профессор Қажымұрат Мақсотұлы Ахмеденов  «Ақжан Жақсыбекұлы әл-Машани – ХХ ғасырдың әл-Фарабиі, фарабитанудың негізін салушы ғалым», «Рухани жаңғыру» институтының ғылыми қызметкері Шайхиев Тұрар Төлегенұлы «Әл-Фарабидің мемлекеттік билік және басқару туралы ілімі», магистр-оқытушы Танзенов  Даниял  Жұпмағамбетұлы «Әл-Фарабидің «Қайырымды қала тұрғындары» трактатындағы білім мен тәрбие мәселесі», Орал қаласы , №1 ЖОББМ  тарих пәні мұғалімі , педагог-зерттеуші Билялова Гүлбаршын Тасқалиқызы «Оқу-тәрбие үрдісінде әл-Фарабидің тәлім-тәрбиелік идеяларын тиімді қолданудың жолдары», ҚР Президенті атындағы атаулы шәкіртақы иегерлері, филология факультетінің III курс студенттері Бөлекбаева Жеңісгүл Қамбарбекқызы «Әбу Насыр әл-Фараби Ұстаз тұлғасы жөнінде», Батырғалиева Әйгерім Батырғалиқызы «Ұлы Дала ғұламасы», Батенова Альбина Қобыландықызы «Әбу Насыр әл-Фарабидің «Риторика» трактаты туралы» тақырыптарында өзіндік талдамаларын ұсына алды. Шара барысында университеттің Ғылыми кітапханасының директоры Әлімбекерова Тоты Еркінқызыныңжетекшілігімен «Әбу Насыр әл-Фараби – «Адамзаттың екінші ұстазы» , «Шығыстың Аристотелі» тақырыбында көрме дайындалып, онда университеттің ғылыми кітапханасының библиографы Алена Викторқызы Наугольная тарапынан кең көлемді сипаттама жасалды.

                                                                   Абат Қыдыршаев,

                 М.Өтемісов атындағы Батыс Қазақстан мемлекеттік      

                   университетінің «Рухани жаңғыру» институтының директоры

Әл-фараби Абат 3

Әл-фараби Абат 1

Әл-фараби Абат 4Әл-фараби Абат 2

 


 

 

Әбу Насыр әл-Фараби – Ұлы Даланың рухани ұстазы

                               Әбу Насыр әл-Фараби – Ұлы Даланың рухани ұстазы

                                                                                                                                                            Абат Сатыбаевич 4

 

А.С.Қыдыршаев, М.Өтемісов атындағы Батыс Қазақстан мемлекеттік университетінің «Рухани жаңғыру» институтының директоры, Қазақстан Педагогикалық ғылымдар академиясының  академигі, педагогика ғылымдарының докторы, профессор,

 

                                                                                      Ұялы телефон: 87780203960, 87058000224

                                                                         e-mail: kdirshaev_abat@mail.ru

 

Түркі әлемінің рухани жұлдызы, көрнекті ғалым-философ Әбу Насыр әл-Фараби 870 жылы қазіргі Ұлы Даламыздың Отырар қаласында туған. «Адамзаттың екінші ұстазы», «Шығыстың Аристотелі» атанған энциклопедист ғалым, Ислам пәлсапасының алып қайраткерінің толық тегі, аты-жөні – Әбу Насыр Мұхаммед ибн Тархан ибн Узлағ әл-Фараби ат-Турки. Ғұлама Әбу Насыр әл-Фараби һижра жыл санауы бойынша 329 жылы Дамаскіде қайтыс болып, сол жерде жерленген, кесенесі де сол жерде. Кемеңгер ұстаздың туған жері, балалық шағы, есімі, өмірден озуы өз алдына бөлек әңгіме.

Туған өлке тарихын түгендеген жас ғалым

 

Туған өлке тарихын түгендеген жас ғалым

М.Өтемісов атындағы Батыс Қазақстан мемлекеттік университетінде Отандық тарих ғылымына, соның ішінде өлкетану ісіне өзіндік үлесін қосып жүрген бірқатар тарихшы ғалымдар бар. Солардың бірі – «Дүниежүзілік тарих және әлеуметтік-саяси пәндер» кафедрасының доценті, тарих ғылымдарының кандидаты Ғиззатов Саялбек Махамбетұлы. Жас ғалым күні бүгінге дейін 2 монография және 30-дан астам ғылыми мақалаларын жариялап үлгерді.

 Автордың 2019 жылы жарық көрген 400 беттен тұратын «Жаңабұлақ тарихы» монографиясы Батыс Қазақстан облысы Ақжайық ауданы Жаңабұлақ  ауылының ежелгі заманнан бастап бүгінгі күнге дейінгі тарихын зерттеуге бағытталған. Бұл туынды өлке тарихына қатысты бұрын-соңды белгісіз болып келген тың дүниелерге бай және Елбасы Н.Назарбаевтың «Рухани жаңғыру: болашаққа бағдар» атты мақаласында көрсетілген «Туған жер», «100 жаңа есім» бағдарламаларындағы мақсат-міндеттерге толықтай сәйкес келеді.

Туған ауылына қатысты тың деректерді жинақтау мақсатында автор Ресей мемлекеттік әскери-тарихи мұражайы (Мәскеу), Ресей Ғылым академиясы мұрағатының Петербург филиалы (Санкт-Петербург), Ресей Федерациясы Қорғаныс министрлігінің Орталық мұрағаты (Мәскеу), Ресей Федерациясының Астрахань облыстық мемлекеттік мұрағаты (Астрахань), Ресей Федерациясының Орынбор облыстық мемлекеттік мұрағаты (Орынбор), Қазақстан Республикасының Орталық мемлекеттік мұрағаты (Алматы), Батыс Қазақстан облысының мемлекеттік мұрағаты (Орал), Батыс Қазақстан облысы Ақжайық аудандық мемлекеттік мұрағатында (Чапаев), яғни барлығы 8 мұрағатта ізденіс жұмыстарын жүргізді.

Тарих ғылымдарының кандидаты Гиззатов Саялбек Махамбетұлы «Жаңабұлақ тарихы» монографиясының тұсаукесерін 2019 жылдың 27 шілдесі күні өз туған жері Жаңабұлақ ауылында өткізсе, осы жылдың 27 қыркүйегі күні М.Өтемісов атындағы Батыс Қазақстан мемлекеттік университетінде облысымыздың тарихшы ғалымдары, өлкетанушылары, студенттері және жалпы оқырман қауымы үшін арнайы таныстырылымын өткізді.

Монография авторы әркімнің шама-шарқы келгенше өз туған жерін зерттеуі өлкетану саласына, түптеп келгенде Отандық тарих ғылымына үлкен үлес болады деп санайды. Сондықтан жастарды уақыттарын текке өткізбей ел үшін адал қызмет етуге шақырады.

 

Ғылым бөлімі,

Жас ғалымдар кеңесі

gizat-0

gizat-0

gizat-0

gizat-0

gizat-0

gizat-0

gizat-0

«Химияны ағылшын тілінде қашықтан оқытуды ұйымдастыру» атты студенттердің ғылыми конференциясы өтті

 

«Химияны ағылшын тілінде қашықтан оқытуды ұйымдастыру» атты студенттердің ғылыми конференциясы өтті

Қазақстанның ғылыми қызметкерлері күніне байланысты 15 сәуір күні М.Өтемісов атындағы Батыс Қазақстан мемлекеттік университетінің жаратылыстану-география факультеті химия кафедрасы оқытушыларының ұйымдастыруымен «Химияны ағылшын тілінде қашықтан оқытуды ұйымдастыру» атты студенттердің ғылыми конференциясы «ZOOM» бағдарламасы арқылы қашықтан өткізілді. Конференция жұмысына онлайн түрде «Химия» білім бағдарламасының студенттері мен кафедраның профессор-оқытушы құрамы белсене қатынасты. Конференцияның модераторы, химия кафедрасының оқытушысы, магистр А.Р. Кенжеғалиева жүргізді. Конференция барысында кафедра оқытушысы, магистр О.Ж. Ерошев «Термодинамиканың негізгі түсініктері» тақырыбында баяндаса, студенттерге ағылшын тілінде «Chemical equipments» тақырыбында негізгі баяндаманы магистр А.Р. Кенжеғалиева жасады. Сонымен қатар, оқытушы Қ.Қ. Меңдіхан «Chemical formulas» тақырыбындағы баяндамасында студенттерге химиялық формулалардың ағылшын тілінде дұрыс оқылуын көрнекіліктерді пайдална отырып, түсіндірді. Конференция барысында «Химия» білім бағдарламасының 3 курс студенттері А.Хитарова мен А.Жуматов белсенділік танытып, баяндамаларын қорғады. Конференцияның мақсатына жету үшін студенттерге ағылшынша-қазақша сөздік ойыны өткізіліп, студенттердің алған жаңа білімдерін тексеру үшін жазбаша сұрақтармен қорытындыланды. Конференция соңында кафедраның ардагер ұстазы, аға оқытушы Г.Б. Есеева ұйымдастырушылар мен қатынасқан студент-жастарға сәттілік тілеп, студенттердің сапалы білім алуы үшін ғылыми конференциялардың қажеттілігіне тоқталды.

 

Жаратылыстану-география факультетінің деканаты

h2o-1

h2o-1

h2o-1

Біліктілікті арттыру курсынан – тәжірибеге

Біліктілікті арттыру курсынан – тәжірибеге

Әр педагог үнемі жаңашылдыққа ұмтылып, өзінің әдістемесін жетілдіреді. Оның әдістері де жеткілікті. Атап айтсақ, біліктілікті арттыру курсынан дәстүрлі және желілік формада өту, озық тәжірибелерді оқып-үйрену, т.с.с.

«Жаңартылған білім мазмұны шеңберінде жоғары оқу орындарындағы қазіргі педагогикалық технологиялар» атты «Өрлеу» біліктілікті арттыру ұлттық орталығының ұйымдастыруымен М.Өтемісов атындағы Батыс Қазақстан мемлекеттік университеті базасында Орал қаласында М.Өтемісов атындағы Батыс Қазақстан мемлекеттік университеті мен Жәңгір хан атындағы Батыс Қазақстан аграрлық техникалық университетінің оқытушыларына арналған курстан 2019 жылдың маусым айында өттік.

Курсқа қатысушыларға Курманов Б. ақпараттық технологияны оқыту үдерісіне қолданудың нақты жағдайларын қарастырып, бейнемонтаждау, скринкаст, экрандық бейнетүсірілім және тестілеудің бағдарламалық жабдықтарын пайдаланудың практикасына үйретті. Өйткені жаңартылған білім мазмұнын меңгеру мұндай заманауи ақпараттық құралдарды, бағдарламаларды қолдануды талап етеді.

Исалдиева С. белсенді оқыту әдістерімен таныстыра отырып, әр сабақты инновациялық оқыту технологиялары арқылы өткізуге баулыды. Бұл өз кезегінде әр оқытушының өз пәнін жаңартылған білім мазмұнына бағдарлауға және оны ұйымдастырудың әдіс-тәсілдерін жетілдіруге мүмкіндік туғызады.

Тен А. критериалды бағалау және оның жоспарлаудан тәуелділігін тыңғылықты түсіндірді. Критериалды бағалау тапсырмаларын дайындау әдістері, критерийлер мен дескрипторлар әзірлеу техникасы мен микрооқытудағы бағалаудың рөлі қарастырылды. Әр сабақта курс қатысушылары теориялық мағлұматтармен қатар, қандай да бір практикалық икемділікті қалыптастырды.

Курс қатысушылары оқытылған норматитік-құқықтық,  педагогикалық-психологиялық, мазмұндық, технологиялық модульдер бойынша білімдерін жетілдіріп, жоспар бойынша өзіндік жұмыстарын тапсырды. Курс соңында әр қатысушы алған білімін оқу үдерісіне қолдануға құзыретті екендігін портфолио әзірлеп, оны көпшілік алдында қорғауы арқылы дәлелді.

Курс оқытушылары мен қатысушылар (тыңдаушы) арасында іскери қарым-қатынас қалыптасты. Орал қаласындағы жоғары оқу орындары оқытушыларының достық байланысы беки түсті. Курс соңында А.С.Тен авторлық әдістемелік құралын маған сыйлады. Мен оны өз кәсіби жұмысымда пайдаланып жүрмін. Студенттер мен магистранттар осы құралды басшылыққа алып, түрлі белсенді әдістерді қолдануға үйренді.

Қазіргі кезде осы курстан үйренген экрандық бейнетүсірілім, бейнежазбаны өңдеу, тестілеу құралдары, бағалау критерийлері мен бақылау тәсілдері әдістемелік пән мазмұнына енгізілді. Бұлар қашықтан оқыту кезінде тіпті тиімді құралға айналды.

Қашықтан оқытуда түрлі платформаларды пайдаланып жатырмыз. Ең басты проблема - контент дайындау.

Онлайн сабақ пен бейнедәріс студенттердің интерактивті оқытуға мүмкіндік туғызып, студенттердің контент бойынша сұрақтарын талдауға жағдай жасайды.

Біз аталмыш курсқа қатыса отырып, педагогикалық білімімізді жетілдірдік. Сондай-ақ, жаңартылған білім мазмұнын жалпы білім беретін мектептерде ғана емес, қазіргі қоғам сұранысына сәйкесті маман даярлайтын жоғары оқу орындарында қолданудың қажеттігін түсініп, өз тәжірибемізге ендірдік. «Өмір бойы оқу» қағидасымен жұмыс жасайтын әр оқытушы үнемі өз біліктілігін арттыруға тырысары сөзсіз.

«Өрлеу» біліктілікті арттыру ұлттық орталығының бізді оқытқан педагогтарына ризашылығымызды білдіреміз.

 

Медешова А.Б.,

М.Өтемісов атындағы

Батыс Қазақстан мемлекеттік университетінің

информатика кафедрасының доценті,

педагогика ғылымдарының кандидаты

www.wmoodle.kz https://classroom.google.com Microsoft Teams, Zoom орталары 

Ұстаздық қызмет – ұлы құрмет

Ұстаздық қызмет – ұлы құрмет

«Ұстаздық еткен жалықпас, үйретуден балаға» деп һәкім Абай атамыз бекер айтпаса керек-ті. «Шәкірттеріме білгенімді үйрету – парызым әрі мақсатым. Жан-жақты ойлай алатын білімді жас жеткіншектерді тәрбиелеу жолында өзімнің күш жігерім мен уақытымды сарп етемін» – деп өзіне серт беріп, ұстаздық жолды таңдаған жанның бірі – Меруерт Жолдықайырқызы Жолдықайырова.Бүгінде мерейлі 95 жасқа толып отырған Меруерт Жолдықайырқызы – 1924 жылы наурыз айында Жымпиты (қазіргі Сырым) ауданы, Елтай ауылдық кеңесіндегі қарапайым шаруа отбасында дүниеге келген. 1932 жылы Жосалы совхозының Маркс (Қоңыр) ауылындағы 7 жылдық мектепке барып, 1939 жылы Жымпиты орта мектебінде оқуды жалғастырып, 1942 жылы бітіреді. Жымпиты орта мектебін тәмамдаған соң, қоғамдық жұмыстарға белсене қатынасып, 1941 жылы қыркүйектен бастап Жымпиты орта мектебінде аға пионер вожатый, бастауыш комсомол комитетінің хатшысы болады. 1942 жылы шілде айында совхоздарда саяси бөлім (политотдел) құру туралы КСРО-ның қаулысы шығып, 10-сыныпты бітірген бойда Тасқұдық совхозындағы парткомның комсомол жұмысы жөніндегі орынбасары етіп тағайындалады. 1942 жылғы қазан айынан бастап А.С.Пушкин атындағы педагогикалық институттың филология факультетінің қазақ тілі мен әдебиет бөлімінде оқып, оны 1946 жылы бітіреді. Тасқа біткен қынадай қайсар, теңдікке көнсе де кемдікке көнбей, бардың емес, ардың құлы болып, оқи жүре әуелі I курста қаладағы №4 мектепте аға пионер вожатый, одан кейін 1943 жылдың мамыр айынан облыстық радио комитетінің әуелі қазақ тілінде жүретін хабардың дикторы, одан кейін редакторлық қызмет атқарған. 1959-1963 жылдарда Орал қалалық кеңесіне депутат болып сайланды. 1963-1969 жылдар аралығында Орал қалалық партия комитетінің Пленум мүшесі, қалалық партия жанындағы «Қалалық бақылау комитетінің» Президиум мүшесі, 1970-1980 жылдары А.С. Пушкин атындағы педагогикалық институттың бақылау комитетінің төрайымы болды. 1975-1978 жылдары филология факультетінің партия ұйымының хатшысы қызметін атқарды. 1976-1982 жылдары институттың партия комитетінің бюро мүшесі болды.Меруерт Жолдықайырқызының сан жылдар бойғы өз уақытын аямай, өзгенің бақтын аялаған үлкен жүректі ағартушылық-ұстаздық еңбегі орынды бағаланып, іскерлігі, білімдарлығы, адами қасиеттері ескерусіз қалған жоқ. 1970 жылы КСРО Жоғары және арнаулы білім беру министрлігінің грамотасымен, 1980 жылы «Қазақ ССР Халық ағарту ісінің озық қызметкері» белгісімен, 1982 жылы Қазақ ССР Жоғарғы Кеңесінің «Құрмет» грамотасымен, 1984 жылы «Еңбек ардагері» медалімен, 1992 жылы білім және педагогика ғылымы саласындағы ерекше еңбегі үшін Қазақстан Республикасы Білім министрлігінің Ы.Алтынсарин медалімен марапатталды. 1999, 2000 жылдары Білім және ғылым министрлігінің Ұлы жеңістің 55 жылдығына байланысты және Хабаршы №1- 2015ж. 324 жас ұрпақты оқыту мен тәрбиелеуге қосқан үлкен үлесі үшін «Құрмет грамотасымен» марапатталды. 1995 жылы «Ұлы Отан соғысының Жеңісіне — 50 жыл» медалімен марапатталды. Зейнеткерлікке шыққаннан кейін де ұлағатты ұстаз қоғам өмірінен тыс қалған емес. Ол Батыс Қазақстан облыстық Ұлы Отан соғысы мен еңбек ардагерлері кеңесінің Пленум мүшесі, 1996-2003 жылдары Батыс Қазақстан мемлекеттік гуманитарлық университетінің (қазіргі БҚМУ) Ұлы Отан соғысы мен еңбек ардагерлер кеңесінің төрайымы болды.Өнегелі еңбегімен, тындырымды ісімен және қарапайым да парасатты мінезімен үлкен абырой-беделге ие болған ұжымымыздың тәжірибелі, үздік маманы атанған Меруерт Жолдықайырқызын келіп жеткен туған күнімен құттықтай отырып, зор денсаулық, ұзақ ғұмыр, ырыс пен ынтымақ, бақыт пен береке тілейміз!

                                                                                             М.Өтемісов атындағы Батыс Қазақстан мемлекеттік университетінің ұжымы

Еще статьи...

  1. Благодарность – признак благородства души
  2. Жемқорлық – індет, жою - міндет
  3. Спорт – көркі өмірдің , спорт – досың серігің
  4. Ұстазға құрмет
  5. Песня-Ескендир
  6. «Қазақтың Қадыры»
  7. Учитель с большой буквы!
  8. Парасат биігіндегі ұстаз
  9. Ешкім де, ешқашан да ұмытылмайды
  10. Ұлттық бірегейлікті сақтаудағы ҚХА рөлі
  11. Белсенді жастар ой бөлісті
  12. Мәңгілік ел жадында
  13. Отчет по семинару «Современные технологии как инструмент управления качеством образования»
  14. Певец Великой степи
  15. Поистину народный поэт
  16. Растительный мир
  17. Белсенді өмір – жүз жастық ғұмыр
  18. Спорт – денсаулық кепілі
  19. Ғылыми жобаның презентациясы өтті
  20. Аңыз тұлғаға құрмет
  21. Борьба с коррупцией – наш общий долг
  22. Городской семинар: «Паллиативная помощь: психолого-социальные медицинские аспекты»
  23. Рухани жаңғыру – ертеңіміздің кепілі
  24. «IQ MAKHAMBET» өз мәресіне жетті
  25. ЖИТС-ке қарсы бәріміз бірге
  26. «Ақиқат» өз бигінде
  27. Үздіктер қатарында
  28. Тәуелсіздік күні тойланды
  29. Молодежь life
  30. В университете имени М. Утемисова прошел конкурс «БҚМУ жұлдызы - 2019»
  31. Махамбет университеті үздіктерін анықтады
  32. Независимость - священная ценность для всех казахстанцев
  33. «Үздік студент – 2019»
  34. Приятная новости
  35. Үздік магистрант
  36. Әріптес жетістігі
  37. Тарихтан сыр шертті
  38. Интеллектуалды ойын оздырылды
  39. Ақжайық айтысының анасы
  40. «Эрудит» зияткерлік сайысы
  41. Республикалық пікірсайыс турнирі өтті
  42. Спасти Шалкар!
  43. САЛАУАТТЫ ӨМІР САЛТЫН ҚОЛДАЙМЫЗ
  44. БҚМУ-дың жалынды жастары
  45. Эстафеталық ойын жарысы
  46. Адамзаттың Абайы
  47. Дипломант атанды
  48. Лекции профессора
  49. Заңға енген өзгерістер түсіндірілді
  50. «История и структура зоологического музея.Животный мир ЗКО и виды, занесенные в Красную книгу РК»
  51. Круглый стол на тему «Место зоологического музея в воспитании экологически грамотной и культурной личности»
  52. Кітапхана – ұлттық тәрбиенің қайнар көзі
  53. «Научное наследие профессора В. В. Иванова»
  54. Обучающий семинар для сетевых преподавателей ЗКГУ им. М. Утемисова «Создание мультимедиа для электронного учебного курса»
  55. Алтын Орда – ежелгі өркениет естелігі
  56. Жас ғалымдар конференциясы
  57. В бескорыстном служении людям
  58. Абайды тану – қазақты тану
  59. IQ Makhambet
  60. Интеллектуалды ойын өтті
  61. Поэзия – властитель языка
  62. С Днем финансиста!
  63. Студенческая жизнь
  64. Танымдық кеш
  65. Оқулық таныстырылды
  66. Тарихи мекенге сапар
  67. Ғылыми кеңесте
  68. Абай шығармашылығы насихатталды
  69. Шығармашылығымен танысты
  70. Интеллектуалды ойын өтті
  71. Развивая партнерские отношения
  72. «Жатақхана» комедиясы сахналанды
  73. Встреча с творческим человеком
  74. Семинар кураторов в ЗКГУ
  75. «Әбіш – Абыз! Ақырғы аңыз»
  76. Сакен Сейфуллин– неиссякаемый источник поэзии.
  77. «Жас Өркен» бағдарламасының презинтациясы
  78. «Жас Өркен» - твоя уникальная возможность построить успешную карьеру
  79. Абай әлеміне саяхат
  80. Әсем әуен әуелеген
  81. Білім – болашақтың кілті
  82. Еркін форматта өткен кездесу кеші
  83. Низкий Вам поклон… Сегодня ЗКГУ им.М.Утемисова прощается со своим старейшим ветераном - Букаткина Павла Романовича.
  84. Встреча с поэтессой
  85. Шын таланттар бас қосқан күн
  86. Таланттар бас қосқан күн
  87. Религиозная грамотность - требование времени
  88. «Партнерство библиотек вузов: новые формы сотрудничества»
  89. Жемқорлыққа қарсы жиын өтті
  90. БҚМУ жастары – жеңімпаз!
  91. Студенческого полку прибыло
  92. Расширенное заседание Научно-экспертного совета АНК
  93. Латын әліпбиі – қазақ тілінің жаңа көкжиегі
  94. Рухани жаңғыру: студенттерді ұлттық құндылықтарға баулу ісі
  95. Чемпион Ерасыл
  96. Состоялось открытие областного семинар-тренинга на тему «Теория и технологии инклюзивного образования в высших учебных заведениях»
  97. Вице-министр МОН РК посетила ЗКГУ
  98. Жастарды адалдыққа шақырды
  99. ЖОЛДАУ БАҒЫТТАРЫН ТҮСІНДІРДІ
  100. Хорошая библиотека есть книжное отражение Вселенной

Сауалнама - Анкета

ВИРТУАЛЬНЫЙ ТУР

ПАРТНЕРЫ

joomla

Разработано Joomlamaster.org.ua совместно с Joomstudio.com.ua