Ғылыми хабарландыру

Хабарландыру! Жастар бизнес-жобаларына арналған «Menin Armanym» ұлттық байқауы

2019-05-02 07:07:18

Хабарландыру!

Құрметті студенттер, магистранттар мен жас ғалымдар!

Логотип

2019 жылдың сәуір айынан бастап Қазақстан Республикасы Білім және ғылым министрлігі, «Ақпараттық-талдамалық орталығы» АҚ және «SUCCESS K» стратегиялық коммуникациялар агенттігінің ұйымдастыруымен Жастар бизнес-жобаларына арналған «Menin Armanym» ұлттық байқауы өткізілуде.

Байқаудың мақсаты өмір сапасын арттыруға бағытталған, қоғамдық маңызы бар, алдыңғы қатарлы білім алудың арқасында еліміздің әлеуметтік-экономикалық өміріне технологияларды енгізуге негізделген жас кәсіпкерлердің бизнес бастамаларын қолдау болып табылады.

Байқау бірнеше кезеңнен тұрады:

- Іріктеу кезеңі: Қатысушылар онлайн өтінім беріп, кестеге сәйкес өткізілетін өңірлердегі іріктеуге қатысады. Қатысушылар санына шектеу жоқ. Үміткерлерге тренинг өткізіліп, олар өз жобаларын қорғайды. Менторлар ширек финалға жолдама алатын стартапшыларды іріктеп алады;

- Ширек финал: Бұл кезеңде іріктеуден өткен үміткерлер Атырау, Шымкент, Павлодар, Қарағанды қалаларына шақырту алады (өз аймағына қарай). Олар үшін дайындық тренгинтері жүргізіледі. Ширек финалға дейін қатысушылар прототип дайындауы қажет. Жобалар қорғалған соң әділ-қазылар алқасы 150 жобаны таңдап алады. Олар бейнеролик түрінде онлайн іріктеуден өтеді. Онлайн іріктеу нәтижесінде 32 қатысушы телевизиялық ойындарға қатысу үшінтаңдалып алынады;

- Жартылай финал: Бұл кезеңде іріктеліп алынған 32 жоба байқаудың телевизиялық түсіріліміне қатысу үшін Астанаға шақыртылады. Қатысушылар үшін көпшілік алдында сөйлеу мәнері мен презентация әзірлеу бойынша тренингтермен, телевизиялық түсірілмге дайындық басталады. 16 қатысушы іріктеліп алынады;

- Финал: Жартылай финалға өткен 16 үміткер Нұр-Сұлтандағы телестудияда өтетін телевизиялық ойындарға атысады.
Ең мықты 4 жоба байқаудың супер финалына өтіп, бірінші орынға таласады;

- Байқаудың 4 финалисі жобаларын таныстырады. Үшінші кезең жеңімпазы анықталады.

Батыс Қазақстан облысы бойынша байқаудың іріктеу кезеңі 2019 жылдың 15-17 мамыр аралығында М.Өтемісов атындағы Батыс Қазақстан мемлекеттік университетінің базасында өткізіледі. Байқауға қатысу үшін www.meninarmanym.kz. сайтында өтінішті тіркеу қажет. Қатысушыларды тіркеу іріктеу кезеңінің басталуына 2 күн қалғанда аяқталады.

16-29 жас аралығында қатысушыларды Жастар бизнес-жобаларына арналған «Menin Armanym» ұлттық байқауына қатысуға және өз бизнес-жобаңызды іске асыруға мүмкіндік алуға шақырамыз.

Байқау туралы қосымша ақпаратты және өтінімдерді даярлау жөнінде кеңесті www.meninarmanym.kz сайтынан және келесі мекен-жай бойынша алуға болады: Орал қ., Студенттер көшесі 1, М.Өтемісов атындағы Батыс Қазақстан мемлекеттік университеті, коммерцияландыру офисі (210 кабинет), телефон 26-03-68, электрондық пошта This email address is being protected from spambots. You need JavaScript enabled to view it. .

Коммерцияландыру офисі

 

"Жастар және ғылым" атты дәстүрлі ғылым апталығы өтеді

2019-04-11 04:08:37

Хабарландыру!

Құрметті студенттер, магистранттар мен оқытушылар!

 

2019 жылдың 15-23 сәуір аралығында М. Өтемісов атындағы Батыс Қазақстан мемлекеттік университетінде жастар жылына арналған "Жастар және ғылым" атты дәстүрлі ғылым апталығы өтеді.

Жоспарланған іс-шаралар туралы қосымша ақпаратты төмендегі жоспардан (қосымша) немесе 26-03-68 (ғылым және халықаралық байланыстар бөлімі) телефондары арқылы ала аласыздар. Барлық студенттер мен магистранттарды ғылым апталығына белсене қатысуға шақырамыз.

 

Ғылым және халықаралық байланыстар бөлімі,

жас ғалымдар кеңесі,

студенттік ғылыми қоғам.

Open U Ашық университеті

2019-04-03 07:38:51

Құрметті қызметкерлер мен білімалушылар!

Open U Ашық университеті платформасына қосылыңдар!

Адрес: Openu.kz (тіркелу өтіп, растаңдар)

Еліміздің жетекші жоғары оқу орындары мен мамандары бірлесе әзірлеген онлайн-курстарға тегін қол жеткізу!

ЖОБА ТУРАЛЫ: «Қазақстанның ашық университеті» – еліміздің жетекші жоғары оқу орындары мен мамандары бірлесе әзірлеген онлайн-курстарға тегін қол жеткізу мүмкіндігін ұсынатын білім беру платформасы.

ЖОБАНЫҢ МАҚСАТЫ: Сапалы тегін онлайн-курстар ұсыну арқылы Қазақстан халқының интеллектуалдық деңгейін арттыру. Цифрлық технологиялар көмегімен онлайн білімді баршаға қолжетімді ету.

ЖОБА БАСТАМАШЫСЫ: «Ұлттық аударма бюросы» ҚҚ – «Жаңа гуманитарлық білім. Қазақ тіліндегі 100 жаңа оқулық» жобасын іске асыру мақсатында 2017 жылы құрылған үкіметтік емес әрі коммерциялық емес қоғамдық қор.

Жоба шеңберінде тарих, философия, социология, психология, антропология, мәдениеттану, дінтану, лингвистика, инновация, медиа, экономика, менеджмент және бизнес салалары бойынша әлемнің маңдайалды университеттерінің үздік оқулықтары қазақ тіліне аударылып жатыр.

Академиялық қызмет департаменті - 8 корпус, 306 кабинет,

тел. 504777


 

Жазғы мектеп: "Еуропаға қақпа. Латын, Рим Құқығы, Мәдени Мұра"

2019-03-29 10:17:07

ПРОФЕССОРЛЫҚ-ОҚЫТУШЫЛАР ҚҰРАМЫ АРАСЫНДАҒЫ ОҚЫТУДЫҢ ИННОВАЦИАЛЫҚ ТЕХНОЛОГИЯЛАРЫН ЕНГІЗУ БОЙЫНША БАЙҚАУ

2019-03-01 07:14:25

Бекітемін

М.Өтемісов атындағы БҚМУ ректоры

____________ Н.Х.Серғалиев

_____________ 2018 ж.

М.ӨТЕМІСОВ АТЫНДАҒЫ БҚМУ-ДЫҢ

ПРОФЕССОРЛЫҚ-ОҚЫТУШЫЛАР ҚҰРАМЫ АРАСЫНДАҒЫ ОҚЫТУДЫҢ ИННОВАЦИАЛЫҚ ТЕХНОЛОГИЯЛАРЫН ЕНГІЗУ

БОЙЫНША БАЙҚАУ ТУРАЛЫ

ЕРЕЖЕ

1. Жалпы ережелер

1.1. М.Өтемісов атындағы БҚМУ-дың профессорлық-оқытушылар құрамы арасындағы оқытудың инновациялық технологияларын енгізу бойынша байқау (бұдан әрі – Байқау) мамандар даярлаудағы сапаны арттырудың жаңа жолдарын іздеу, ПОҚ жинақтаған тәжірибені көрсету және оқытудың тиімділігін арттыру мен мамандықтарды оқу-әдістемелік тұрғыдан қамтамасыз етуде кафедра ұжымының жұмысын ынталандыру, жаңартылған білім беру мазмұны аясында оқытудың инновациялық технологияларын оқу сабақтарында қолдана отырып оқытушыларды сапалы кәсіби қызметке бейімдеу мақсатында өткізіледі.

Инновациялық әдістер деп ғылымның қазіргі заманға сай жетістіктері мен білім берудегі ақпараттық технологияларды пайдалану және білім алушылардың шығармашылық қабілеті мен өз бетімен жұмыс істеу қабілетін арттыру арқылы дайындық сапасын жақсартуға бағытталған (мәселе тудыру және жобалап оқытудың әдістері, зерттеу әдістері, тренинг формалары, оқытушылардың өзіндік жұмысын және шығармашылық қабілетін арттыру және т.б.) әдістерді айтады.

Білім беру жүйесіндегі инновациялық әдістер:

- ақпараттық ресурстар мен білім базасын қолдану;

- электронды мультимедиялық оқулықтар мен оқу құралдарын қолдану;

- жаңартылған білім беру мазмұны бойынша оқытудағы жаңа әдіс-тәсілдерді тиімді қолдану;

- білім беру бағдарламаларының үздік отандық және шетелдік аналогтарын пайдалану;

- ғылымды меңгеруде проблемалы-бағытталған пәнаралық ықпал жасауды қолдану;

- оқытудың интерактивті әдістерін қолдану;

- оқу тәжірибесіне негізделген әдістерді қолдану (case studies);

- топтық жұмыстағы кешенді тапсырмаларды жүйелі түрде шешуде оқытудың жобалау-ұйымдастыру технологиясын қолдану.

1.2. Осы ереже байқауды ұйымдастыру және өткізу барысын реттейтін, байқаудың талаптары мен шарттарын, байқауға қатысатын инновациялық жобаларды (бұдан әрі – жоба) іріктеу мен бағалаудың критерийлерін, құжаттарға қойылатын талаптарды анықтайтын негізгі құжат. Осы саладағы құқықтық қатынастарды дамыту барысында басқа толықтыру немесе айқындау нормативтік актілерді қабылдау рұқсат етіледі.

1.3. Байқау мақсаты оқытудың инновациялық технологияларын түсіну мен қолдану арқылы профессорлық-оқытушылар құрамының кәсіби біліктілігін жетілдіру, сондай-ақ инновациялық педагогикалық тәжірибені насихаттау мен тарату.

1.4. Байқау міндеттері:

- БҚМУ-дағы инновациялық қызметті дамыту;

- ПОҚ-тың белсенділігін арттыруға жәрдемдесу;

- БҚМУ-дағы инновациялық-білім беру үрдісін жетілдіру және дамытудың ақпараттық технологияларын пайдаланып, білім қорын қалыптастыру.

1.5. Инновациялық жобалар байқауы жыл сайын ІІ кезеңмен өткізіледі. Байқаудың І кезеңін факультет ПОҚ арасында факультет ұйымдастырады. ІІ кезең университет ПОҚ арасында өткізіледі және АҚД жоспарлау және оқу мен оқу-әдістемелік бөлімі ұйымдастырады.

1.6. Байқаудың қорытындысына сәйкес ІІ кезеңде комиссия 3 жүлделі орынды және 3 номинация бойынша үздік жобаны анықтайды.

2. Байқауды өткізу шарттары

2.1. Инновациялық-жобалық жұмыстың нәтижесі ғылыми және білім беру инновациясы нарығына және басқа да жоғары деңгейлі көрмелерге ұсынылатын шынайы инновациялық өнім болуы тиіс. Байқауға қатысатын жоба үш тілдің біреуінде тапсырылады (қазақ, орыс, ағылшын).

2.2. Байқау туралы ақпарат БҚМУ сайтының (www.wksu.kz) жаңалықтар бөлімінде өтініш қабылдағанға дейін 10 жұмыс күні бұрын жарияланады.

2.3. Байқаудың өтетін уақыты мен комиссия құрамы ректор/факультет декандарымен бекітіледі.

2.4. байқау жүлдегерлерінің арасында Жүлде қорының мөлшері ректордың бұйрығымен бекітіледі.

2.5. Комиссия мүшелерінің алғашқы отырысында ашық дауыс беру арқылы көп дауыс жинаған адам комиссия төрағасы болып сайланады.

2.6. Байқауға қатысуға кафедраның профессорлық-оқытушылық құрамы ғана жіберіледі.

2.7. Байқауға ұсынылған оқытудың инновациялық технологиясы оқыту үрдісінде кем дегенде бір жыл қолданылуы керек.

2.8. Байқауға қатысуға өтініштер І кезеңде қабылданады.

2.9. Өтініштерді толтыру ережелері осы Ереженің 4-бөлімінде көрсетілген.

2.10. Оқытудың инновациялық әдістерін қолданудың қарқыны мен сапасын бағалау критерийлері 10 баллмен есептелінеді:

Критерийлер

Баллдары

жобаның нақтылығы, ғылыми жаңашылдығы

жобаның мақсат-міндетінің шынайылығы

инновациялық өнімнің - жоба қорытындысының нақтылығы мен дәлдігін анықтау

ұсынылған оқытудың инновациялық технологиясының әдістемелік қамтамасыз етілуінің сапасы

оқу үрдісіне инновациялық технологияны енгізу дәрежесі (инновациялық технологиямен қамтылған оқу сабақтарының түрлері);

инновациялық технологияны қолдану барысында студенттердің білім сапасының артуы

жаңартылған білім мазмұны аясында оқытудың инновациялық технологияларын оқу сабақтарында қолдана алуы

2.10. Комиссияның қорытынды бағалары бойынша жоғары балл жинаған қатысушылар Байқау жеңімпазы атанады.

3. Байқау кезеңдері:

I кезең:

1. Байқауға қатысу жөнінде өтініштерді қабылдау;

2. Оқыту үрдісінде инновациялық технологияны сыннан өткізу. Өтініш білдірушінің, кафедра меңгерушісі мен деканның қолдары қойылған көлемі екі беттен аспайтын пән бойынша оқытудың инновациялық технологиясын қолданудың тиімділігі жөніндегі есебі;

3. Жобаның тексерілуі мен комиссияның бағасы.

4. ПОҚ арасындағы байқаудың І кезеңінің қорытындысы бойынша үздік 3 оқытушы байқаудың ІІ кезеңіне қатысуға жолдама алады. Факультет бойынша байқау комиссиясы отырысының хаттамасының көшірмесі мен қатысушылардың құжаттары Академиялық қызмет департаментінің жоспарлау және оқу мен оқу-өдістемелік жұмыстарды ұйымдастыру бөліміне тапсырылады. (8 оқу ғимараты, 201 кабинет).

II кезең:

1. Университеттің комиссия мүшелері өтініштерді сараптап, құжаттардың толық және дұрыс толтырылуын тексеріп, байқауға ұсынылған оқытудың инновациялық технологияларын қолданудың тиімділігі мен сапасын бағалайды.

2. М.Өтемісов атындағы БҚМУ шеңберінде ПОҚ инновациялық жобаларының ашық презентациясы өткізіледі.

3. Белгіленген критерийлерге сәйкес (2.10 қ.) комиссия университеттің ПОҚ арасында байқау жеңімпазын анықтайды.

4. Жобаларды ұсыну және қарастыру реті

Байқауға қатысуға өтініш беру үшін төмендегідей құжаттарды тапсыру керек:

4.1. Байқауға қатысу жөніндегі өтініш (1-қосымша) қағаз түрінде

1 данада жазылады. Өтініштер байқаудың өтетіні туралы хабарлама жарияланғаннан бастап 30 күн ішінде қабылданады.

4.2. Байқауға қатысушының сауалнамасы (2-қосымша) қағаз түрінде 1 данада ұсынылады.

4.3. Оқыту үрдісінде инновациялық технологияны сыннан өткізу. Оқыту үрдісіне инновациялық технологияны енгізу актісі (3-қосымша) бір данада қағаз түрінде ұсынылады.

4.4. Комиссия үшін байқауға ұсынылатын материалдар электронды нұсқада тапсырылады (CD/DVD диск).

4.5. Кемінде бір оқу жылына арналған көлемі 2 беттен аспайтын өтініш иесінің, кафедра меңгерушісінің, деканның қолы қойылған инновациялық технологияны қолданудың тиімділігі туралы есебі.

4.6. Материалдарды «Педагогикалық үздік тәжірибе мектебі» жинағына енгізу үшін электронды және қағаз түрінде Академиялық қызмет департаментінің жоспарлау және оқу мен оқу-әдістемелік жұмыстарды ұйымдастыру бөліміне тапсырады. (8 оқу ғимараты, 201 кабинет).

1-қосымша

Оқытудың инновациялық технологиясын

енгізу туралы БҚМУ-дың ПОҚ-тың

арасындағы байқау комиссиясына

___________________ факультеті

_____________________________

кафедрасының оқытушысы

_____________________________

(аты-жөні)

ӨТІНІШ

Сізден, оқытушылар арасындағы «Оқытудың инновациялық технологияларын енгізу туралы» байқауға қатысуға құжаттарды қабылдауыңызды сұраймын (ыз).

БҚМУ-дың ПОҚ-тың арасындағы «Оқытудың инновациялық технологияларын енгізу туралы» байқаудың талаптарымен, өтетін уақытымен таныстым (ық).

Орындаушы қолы                      /Аты-жөні, тегі, /

                             Күні

2-қосымша

М.Өтемісов атындағы БҚМУ-дың ПОҚ арасында «Оқытудың инновациялық технологияларын енгізу туралы» байқауға қатысушының сауалнамасы

1. Кафедра ___________________________________________________

2. Орындаушының аты-жөні, тегі, лауазымы, ғылыми атағы

______________________________________________________________

3. Бірлесіп орындаушылардың аты-жөні, тегі, лауазымдары, ғылыми атақтары.

____________________________________________________________________________________________________________________________

______________________________________________________________

4. Инновациялық технологияны пайдаланатын білім алушылардың контингенті (факультет, мамандық, курс, студенттер саны) ________________

___________________________________________________________

5. Инновациялық технология қолданылып оқытылатын пәндер ___________________________________________________________________

6. Байқауға ұсынылған оқыту технологиясының пайдалану уақыты ________________________________________________________________

Дайындаған автордың қолы: __________________ ______________

                                                                  (қолы) (А.Ж.Т.)

                                           __________________ _______________

                                                                 (қолы) (А.Ж.Т)

                                           _________________ ________________

                                                                (қолы) (А.Ж.Т.)

3-қосымша

Бекітемін

ОӘЖ жөніндегі проректоры

_____________А.С.Тасмағамбетов

___________________ 20___ж

Оқу үрдісіне инновациялық технологияларды енгізу жөніндегі

акт

Осы акт ______________________________________қолданылуы жөнінде

                                      (атауы)

Жоба_______________________________________оқу үрдісінде қолданылды

                        (кафедра, бөлім және т.б.)

Жоба қолданылады _____________________________________________

                                                        (қашан, қайда т.б.)

Оқу үрдісіне инновациялық технологияларды енгізу жобасы қолданыла бастады _____________________________

                                                                                                                                       (айы, жылы)

Жобаны қолданатын cтуденттер саны _______________________________

Жоба енгізуге ұсынылған кафедра отырысы хаттамасының нөмірі, күні _______________________________________________________________


Кафедра меңгерушісі __________________ __________________

                                                       (қолы) (аты-жөні)

Факультет деканы _________________ ___________________

                                                 (қолы) (аты-жөні)

МО

 

Ғылыми оқиғалар

М. Өтемісов ат. БҚМУ Ғылыми кітапхана қорына Павлодар мемлекеттік педагогикалық университетінен электронды кітаптар сыйға тартылды

2019-05-16 06:59:40

«Meniń Armanym» ұлттық байқауының Батыс Қазақстан облысындағы іріктеу кезеңінің ашылу салтанаты өтті

2019-05-15 11:34:45

IMG 9892 mini

Бүгін М.Өтемісов атындағы Батыс Қазақстан мемлекеттік университетінде жастар бизнес-жобаларына арналған «Meniń Armanym» ұлттық байқауының Батыс Қазақстан облысындағы іріктеу кезеңінің ашылу салтанаты өтті. 2019 жылдың сәуір айынан бастап Қазақстан Республикасы Білім және ғылым министрлігі, «Ақпараттық-талдамалық орталығы» АҚ және «SUCCESS K» стратегиялық коммуникациялар агенттігінің ұйымдастыруымен еліміздің түкпір-түкпірінде өткізілуде.

«Менің арманым» – әлеуметтік бірегей маңызы бар және жас жаңашылдардың жалпыға пайдалы бастамаларын анықтайтын байқау. Ал, оның негізгі мақсаты – қазақстандық жастардың әлеуметтік белсенділігін, сыни ойлау және әлеуметтік-шығармашылық қабілеттерін анықтау және дамыту, зияткерлік әлеуетін жетілдіруге мүмкіндік жасау. Сонымен бірге аталмыш байқау жастардағы сыни ойлау философиясын дәріптеуге бағытталған білім беру үдерістеріне жәрдемдесу және қазіргі әлемді бүтіндей қабылдау, мәселелерді шешудің баламалы жолдарын көре білулерін дамыту, жаңа идеяларды тудыра білу қабілеттерін, стереотиптерді жеңу, бөгде пайымдауларды дұрыс бағалау және өз ұстанымында дәлелді түрде тұрақтау философияларын дәріптеуге бағытталған процесіне қолдау таныту, қазақстандық жастардың назарын қоғамдағы әлеуметтік өзектілігі басым мәселелерін шешуге тарту, жобаларды әзірлеу және іске асыру бойынша жастардың әрекеттеріне қолдау таныту және ынталандыру, әлеуметтік жобалаудың тиімді тәжірибесін тарату сынды міндеттерді шешуді көздейді.

Бұл жоба не үшін, ең бастысы кім үшін қолға алынып отыр? Байқау атауының жүгін «арман» деген сөз көтеріп тұрғаны көзге бірден түседі. Мемлекет үшін сіздің арманыңыз құнды. Айта кету керек, «Менің арманым» жобасы Н.Ә. Назарбаевтың «Болашаққа бағдар: рухани жаңғыру» бағдарламалық мақаласыныңда көрсетілген идеяның іс жүзінде іске асырылуы болып табылады және де аталмыш бағдарламаның қолдауымен өткізілуде.

IMG 9856 mini

IMG 9868 mini

IMG 9887 mini

IMG 9905 mini

IMG 9949 mini

 

«ХХ ғасырдың 30-жылдары Қазақстандағы ашаршылық және саяси репрессиялар» атты дөңгелек үстел өткізілді

2019-04-29 03:34:10

2019 жылдың 25 сәуірі күні «Қазақстан Республикасы тарихы» кафедрасы «ХХ ғасырдың 30-жылдары Қазақстандағы ашаршылық және саяси репрессиялар» атты дөңгелек үстел өткізді. Аталған іс-шараға ұзақ жылдар бойы облыстық тарихи-өлкетану музейін басқарған өлкетанушы бүгінде зейнеткер Танабаева Сара Есқайырқызы және ф.ғ.д., профессор Хасанов Ғабит Қайыржанұлы қатысып, тарихи тағлымы мол, мазмұнды ой-пікірлерін ортаға салып, студенттердің сұрақтарына жауап берді. Дөңгелек үстел барысында қатысушылар үлкен әсерге бөленді.

 

WhatsApp Image 2019-04-26 at 18.19.04

WhatsApp Image 2019-04-26 at 18.19.05 

23 сәуір - Дүниежүзілік кітап және авторлық құқықты қорғау күні

2019-04-25 07:51:19

 

«Сіз қай кітапты оқығаныңызды айтыңызшы, мен сіздің кім екеніңізді айтып берейін». Жазушы мен оқырман арасындағы байланыс кіршіксіз тазалық биігінде қалыптасады. Туынды оқырманның тұрпатында оянуы үшін жазушы қиялының кереметтілігі мен үйлесімділігі бір бағытта шеңберленуі маңызды. Оқушы мен жазушының үнсіздік ішіндегі рухани байлығын бағдарлау және одан әрі тереңдету мақсатында Махамбет Өтемісов атындағы Батыс Қазақстан мемлекеттік университетінің ғылыми кітапханасында 23 сәуір Дүниежүзілік кітап және авторлық құқықты қорғау күніне орай көркемдік бейне бедерленген керемет шара болып өтті. Шара т.ғ.д., көптеген кітаптардың авторы, патентері бар Е.С.Айталиевпен ізденіс пен байланыс турасындағы әңгімелеуден басталды. Ермек ағамыз кешегі күн мен бүгінгінің арасындағы оқырман кейіпі мен қазіргі жастардың оқырмандық міндеткерлігі жөнінде ой қозғау салып, студент жастармен пікір алмасты. Шараның екінші бөлімінде университетіміздегі кітапханалармен үнемі байланыс жасап, көркем туындыларға ерекшелікпен қарай білетін, рухани үнді бойларына сіңіруді қажеттілік деп тапқан студент жастар өздері сүйіп оқыған шығармалардың композициясымен көрермен қауымды таныстыра отырып жазушының шын берілген оқырманы болуға шақырды. Филология факультетінің қазақ тілі мен қазақ әдебиеті мамандығының 3-курс студенттері Қасымбеков Әзірет Бердібек Соқпақбаевтың «Өлгендер қайтып келмейді» шығармасын, Шаекенов Арман Ғабит Мүсіреповтың «Ұлпан» туындысын көркем түрде көрерменге таныстыра отырып, композициялық шолу жасады. Филология факультетінің қазақ тілінде оқытпайтын мектептердегі қазақ тілі мен қазақ әдебиеті мамандығының 3-курс студенті Қуанышева Гүлжайна қазақ әдебиетінің кербұғысы атанған Оралхан Бөкейдің «Қар қызы» туындысын әдемі әңгімелеп берді. Шараның үшінші бөлімі «Кітап білім бұлағы» атауымен көрменің таныстырылуы жөніндегі бағытпен жалғасын тапты. Көрме «Құнды тарту», «Дүниежүзілік кітап және авторлық құқық», «Ең көп оқылған кітап» атты бөлімдерден жасақталған. Алдыңғы екі бөлім бойынша шара басталғалы бері ой қозғалса, соңғы бөлім бойынша Филология факультетінің филология:қазақ тілі мамандығының 3-курс студенті Сәрсенғалиева Гүлмира студенттердің қызыға да ерекше екпінмен оқитын алдыңғы қатарлы деген үздік туындыларды таныстыра отырып шебер суреттеулерді көрерменнің көз алдында бейнелеп берді, жастар атынан өзіндік пікірінде ортаға салды. Шараның бағдарламалық барысындағы сағат жарымға жуық уақыт ішінде көрерменге қызығушылық пен саралы ой салғыза білген кеш келер күннің азығы рухани үндесімділікпен кітап беттерінде мәңгілігін сақтайтынын терең аңғартты.

«Жаратылыстану ғылымдары циклі пәндерін ағылшын тілінде оқытудағы әдістемелік ерекшеліктер» тақырыбындағы халықаралық ғылыми- практикалық конференция

2019-04-17 12:54:05

WhatsApp Image 2019-04-17 at 12.26.02

2019 жылдың 12 сәуірі күні М. Өтемісов атындағы Батыс Қазақстан мемлекеттік университеті жаратылыстану-география факультетінде «Жаратылыстану ғылымдары циклі пәндерін ағылшын тілінде оқытудағы әдістемелік ерекшеліктер» тақырыбындағы халықаралық ғылыми- практикалық конференция болып өтті. Конференцияға М.Өтемісов атындағы БҚМУ оқу-әдістемелік жұмысы жөніндегі проректоры, тарих ғылымдарының докторы, профессор Тасмағамбетов А.С., академиялық қызмет департаментінің директоры, биология ғылымдарының кандидаты, доцентКайсагалиева Г.С.,ғылым және халықаралық байланыстар бөлімінің аға сарапшысы, п.ғ.к., шетел тілдері кафедрасының доцентіКулмагамбетова С. С., SES, Dr. rer. nat. Gabriele Kammradt (Switzerland), жаратылыстану география факультетінің деканы, география магистрі Тургумбаев А. А.,п.ғ.к., доцент, физика-математика факультетінің деканы, А.Б.Медешова, педагогика факультетінің деканы, п.ғ.к., доцент Габдрахманова Ш.Т., ф./м.ғ.к., математика кафедрасының доценті Кульжумиева А. А., музыкалық оқыту және вокал кафедрасының аға оқытушысы Ворфоломеева О.В.,Орал қаласындағыФМБ НЗМ биология пәнінің модератор-мұғалімдері Панина О.А. мен Cristian Zorrilla , биологияэкология,химия және география кафедраларының профессор-оқытушылар құрамы - Дарбаева Т.Е. б.ғ.д.,профессор, Альжанова Б.С. а/ш.ғ.к., доцент, кафедра меңгерушісі; Утаубаева А.У. б.ғ.к, доцент; б.ғ.к, БҚМУ доценті,Бимагамбетова Г.А.,а/ш.ғ.к., доцент Кадисова Г.Н., г.ғ.к., доцент Терещенко Т.А.,г.ғ.к., доцент Амельченко, аға оқытушы Есеева Г.Б., жаратылыстану ғылымдарының магистрі, аға оқытушы Джангазиева Б.Ж., магистр-оқытушыСарсенова А.Н., техникалық ғылымдар магистріКусаинова Б.М.,студенттер, т.б. қатысты. Конференция ағылшын тілінде ғана өтті.

Халықаралық ғылыми-практикалық конференцияны М.Өтемісов атындағы БҚМУ оқу-әдістемелік жұмысы жөніндегі проректоры, т.ғ.д., профессор Тасмағамбетов А.С.алғы сөз сөйлеп ашты. Аталмыш конференцияның мақсаты - жаратылыстану ғылымдары курсын инновациялық технологияны қолдану арқылы оқытудағы әлемдік тәжірибе жетістіктерін зерттеу және талқылау болды.

Одан кейін сөз алғанбиология және экология кафедрасының меңгерушісі, а/ш.ғ.к.,доцент АльжановаБ.С. биология және экология кафедрасында көптілділікті дамытудың жүзеге асырылу тәжірибесіне тоқталды.

SES бағдарламасы бойынша университетімізге ресми сапармен келген жаратылыстану ғылымдарының докторы, PhD Gabriele Kammradt (Швейцария) қазіргі кездегі Еуропадағы білім беру жүйесіндегі ерекшеліктерді айтып өтті.

Конференцияға қатысқан университет ғалымдары болашақ мұғалімнің педагогикалық құзыреттілігін қалыптастыру әдістемесі, педагогикалық бақылау құралы ретіндегі студенттің жеке электрондық картасы, жаратылыстану ғылымдарын оқытудағы CLIL технологиясы, биология сабақтарында жаңа форматтағы жеті модульді пайдаланудың жоспары мен оқушылардың өзіндік жұмысын ұйымдастыру әдістері, кеппешөп үлгілерін жинау тәсілдері, т.б. тақырыптағы маңызды ғылыми-әдістемелік салаларды қарастырды.

Орал қаласындағы ФМБ НЗМ биология пәнінің мұғалімдері - Панина О.А. және Cristian Zorrilla «Биология сабақтарында CLIL технологиясын қолдану ерекшеліктері» тақырыбы бойынша оқытушылар мен студенттерді жұмылдырып, шеберлік класс өткізді.

Жаратылыстану-география факультетінде ағылшын тілінде сабақтар, ғылыми, әдістемелік, тәрбие,қоғамдық,т.б. іс-шаралар өткізіп тұру дәстүрге айнала бастады. Университетімізге үш апталық ресми сапармен келген профессор Gabriele Kammradt осы бағыттағы көптеген шараларға қатысып, оқытушылар мен студенттердің ағылшын тілін дамытудағы жетістіктеріне жоғары баға берді.

Жаратылыстану-география факультеті университеттегі қай салада болмасын алдыңғы қатарлы мықты факультеттердің бірі ретіндегі мәртебесін өз деңгейінде ұстайтынына біз сенімдіміз!

 

WhatsApp Image 2019-04-17 at 12.26.04 - копия

WhatsApp Image 2019-04-17 at 12.26.04 1

WhatsApp Image 2019-04-17 at 12.26.03

WhatsApp Image 2019-04-17 at 12.26.02 1

 

Ғылым бейнетекасы

ВИРТУАЛДЫ ТУР

СЕРІКТЕСТІКТЕР

joomla

Powered by Joomlamaster.org.uatogether with Joomstudio.com.ua