Ғылыми хабарландыру

Құрметті БҚМУ студенттері мен қызметкерлері! IELTS емтиханына дайындық курстарына тіркелу жүргізіліп жатқанын хабарлаймыз!

2019-02-14 09:15:43

М. Өтемісов атындағы Батыс Қазақстан Мемлекеттік Университеті Орал қаласының барлық тұрғындарына арналған IELTS емтиханына дайындық курстарына тіркелу жүргізіліп жатқанын хабарлайды. Оқуды жоғары деңгейдегі шетелдік оқытушылар жүргізеді. Оқу құны айына – 16 000 тг. IELTS емтиханына қажетті жеткілікті деңгей көрсеткен жағдайда, жаз мезгіліне қарай емтихан ұйымдастыру мүмкіндігі бар. Тіркелу үшін бас ғимараттағы 104-кабинетке жолығуыңызды сұраймыз! Анықтама үшін телефон нөмері: 26 06 25.

 

Көптілділік институты

 

"Оқыту мазмұнындағы ғылыми қағидатты іске асырудағы менің үлесім" атты дөңгелек үстел

2019-02-08 10:03:07

"Оқыту мазмұнындағы ғылыми қағидатты іске асырудағы менің үлесім"

атты

ДӨҢГЕЛЕК ҮСТЕЛ

Мақсаты: ҚР ЖОМ оқыту мазмұнын жаңарту жағдайында бакалаврлар мен магистрлерді дайындау сапасын жетілдіру.
Қатысушылар: факультеттің барлық оқытушылары.
Жоспарланған нәтиже:
- ПОҚ жұмысының сапасын арттыру;
- жарияланымды дайындау бойынша ұсыныстар (мақалалар, оқу-әдістемелік құралдар); ПОҚ деректер банкін құру;
- ПОҚ жұмысының сапасын рейтингтік бағалаудағы есеп.
Материалдарды баяндама түрінде электронды және қағаз түрінде ұсыну (көлемі 5 беттен артық емес, шрифт Times New Roman 14, интервал 1,5); презентациямен сөз сөйлеу.
Мазмұны. Қысқа және анық көрсету:
- ғылыми оқытудың дидактикалық принципін түсіну;
- нақты пәндерді оқытудағы ғылыми ұстанымның рөлі мен орны. ("менің" түсінігім);
- мектепте және ЖОО-да нақты пәндер мен тақырыптарды зерделеудегі ғылыми ұстанымның байланысын түсіну.
Бағалау критерийлері:
- нақтылық, логика мазмұны;
- презентация сапасы;
- коммуникативтік құзыреттілік.
Қорытынды: ПОҚ ғылыми-әдістемелік жұмысы туралы ақпарат банкін құру.
Қазылар алқасының құрамы: факультет деканы; кафедра оқытушылары; сыртқы қатысушылар.
Мерзімі: - материалдарды кафедраға 2019 жылдың 15 ақпанына дейін тапсыру.
- "Дөңгелек үстел" 2019 жылғы 25-26 ақпанға дейін өткізілсін. 

"Жастар:"ғылымға бір қадам" атты конференция

2019-02-08 10:02:24

Ғылым күніне орай М. Өтемісов атындағы БҚМУ ФИЗИКА-МАТЕМАТИКА ФАКУЛЬТЕТІ "Жастар:"ғылымға бір қадам" атты конференция ұйымдастырады.

Мақсаты:ғылыми-техникалық прогресс жағдайында оқыту сапасын арттыру
Қатысушылар: оқушылар, студенттер, магистранттар.
Секциялар:
- Математика: математика, Математика тарихы, қолданбалы математика;
-физика және информатика: физика, астрономия, косманавтика, нанотехнология, қолданбалы энергетика, робототехника; бағдарламалау, компьютерлік моделдеу, IT-технология
-оқыту әдістері (магистранттар мен студенттер үшін) : математика, физика,информатиканы оқытудың заманауи тәсілдері.
Материалдарды ұсыну: 2019 жылдың 15 наурызына дейін;
- көлемі 5 беттен артық емес Times New Roman 14 шрифті, 1,5 интервал электрондық және қағаз тасығыштарда.
Материалдың ықтимал түрі, жоба, тезис, баяндама, реферат.
Сөз сөйлеуге презентация түрінде, ғылыми-жобалық жұмыс макеті, бағдарламалық өнім түрінде болады.
Конференцияны өткізу-4-8 сәуір 2019 ж.
Конференцияға қатысушылар "қатысушы СЕРТИФИКАТЫН", жеңімпаздар (I. II.III орын) - жеке номинациялар бойынша дипломдар мен грамоталар алады.
Материалдар электрондық пошта арқылы қабылданады: This email address is being protected from spambots. You need JavaScript enabled to view it. , This email address is being protected from spambots. You need JavaScript enabled to view it.
Тел: 50-94-44, Жамбылова Жарқынай Мурадымовна, Закариева Зацет Алмазовна

 

Хабарландыру! "Ануар шуағы" стипендиясы

2019-02-05 13:13:33

ЗКГУ премия 1-001

Назар аударыңыз!

2019-02-05 13:05:38

ilovepdf com

ilovepdf com-1

ilovepdf com-2

Ғылыми оқиғалар

Қазақтың қылқалам шебері – Әбілхан Қастеев

2019-02-12 03:59:29

12022019

2019 жылдың 7 ақпан күні суретші Әбілхан Қастеевтің туғанына 115 жыл толуына орай «Қазақтың қылқалам шебері - Әбілхан Қастеев» атты әдеби – сазды кеш өткізілді. Кешке бейнелеу өнері және сызу мамандығының І, ІІ, ІІІ курс студенттері, кураторлары Молдашова Бақытгүл Әбілқайырқызы, Испанова Айсана Төлеуқызы қатысты.

Кештің мақсаты суретшінің қылқаламынан туған шығармаларын таныстыру, ұлттық өнерге деген сүйіспеншілік арқылы эстетикалық тәрбие беру бағытында өткізілді. Студент Қажығалиева Жаңылсын суретшінің өмірбаянымен таныстырды. Кеш барысында Ә.Қастеев туралы видеоролик жіберіліп, суретші туралы деректер тыңдалды. Ақындардың суретшіге арналған жыр – шумақтарын Сауенова Құралай, Нұқасова Ләйлә, Жұмағұл Жантур нақышына келтіре оқып берді. Студенттерге суретшінің өміржолдарынан викториналық сұрақтар ойнатылды. Молдашева Бақытгүл «Ә.Қастеев – адам жанын, оның шаттығы мен мұңын, қуанышы мен сүйінішін, ішкі ой арпалысын тереңнен түсіне білген және айналадағы табиғат құбылыстарымен адам көңіл – күйін шендестіре отырып, өз шығармалары арқылы соларды көпшілікке шебер жеткізе білген суретші» екенін айтып өтті. А. Габдуалиева: «Ә.Қастеевтің шығармалары – бір ғасырдың көлемінде бірнеше дәуірді бастан өткізді дерлік. Өйткені, олар халықтар өмірінің қалтқысыз айнасы, шынайы шындығы. Оның өмірі мен өнері мәңгі жасарған күйі көз алдымызда тұра бермек» деп пікір білдірді. Кеште Хайршақова Алтынай, Усағалиева Мадина «Самға» әнін көпшілік назарына ұсынды. Кеш барысында кітапханашы Айташова Гүлшира Шәденқызы «Қазақтың қылқалам шебері - Әбілхан Қастеев» атты кітап көрмесіне шолу жасады.

12022019-1

Кеш барысында кітапханашы Айташова Гүлшира Шәденқызы «Қазақтың қылқалам шебері - Әбілхан Қастеев» атты кітап көрмесіне шолу жасады.

 


 

100 жаңа оқулық – жаңғыру жетістігі

2018-12-12 04:42:16

М.Өтемісов атындағы Батыс Қазақстан мелекеттік университетінің ғылыми кітапханасы мен «Рухани жаңғыру» институтының ұйымдастыруымен оқытушылар құрамы, қызметкерлер және студенттермен бірге «Жаңа гуманитарлық білім. Қазақ тіліндегі 100 жаңа оқулық» бағдарламасы аясында Стивен Р.Кови «Жасампаз жандардың 7 дағдысы», Ювал Ноах Харари «Sapiens» : «Адамзаттың қысқаша тарихы» атты кітаптың таныстырылымы өткізілді. Қазақстан Халық Ассамблеясының кафедра меңгерушісі Тұрар Төлегенұлы Шайхиев сөз кезегін бастады. Ғылыми кітапхананың директоры Тоты Еркінқызы кітап қорының саны 19 кітапқа артқанын мәлімдеді. Тарих ғылымдарының кандидаты, доцент Журасова Алтынай Шугаевна Ювал Ноах Харари «Sapiens»: «Адамзаттың қысқаша тарихы» атты кітабымен таныстырды. Презентациясы көрсетіліп, кітаптың 4 бөлімін әңгімеледі. Когнитивті, аграрлық, ғылыми революция мен адамзатты біріктіруге қатысты ой толғаныс жасады.

Тарих ғылымдарының магистрі, оқытушы Майманова Нұршат Нұрханқызы және экономика ғылымдарның магистрі, аға оқытушы Егізғалиева Асель Болатханқызы кітап туралы өз пікірін айтты.

«Жасампаз жандардың 7 дағдысы» (Тұлға дамытудың тегеурінді тетіктері) кітабы туралы педагогика және психология кафедрасының оқытушысы Арыстанғалиева Венера Талғатқызы толықтай мағлұмат берді. Шығарманың құндылығы сол, Әлемнің 40 тілінде 30 млн. данамен таралған. Студенттер арасынан суырылып шығып, кітаптар жөніндегі өз пікірін филология факультетінің 3-курс студенті Каленова Назерке Рахметқалиқызы өз пікірін айтты.

 

Ғылыми кітапхана директоры: Алимбекерова Т.Е.
 

Кітап – асыл да сарқылмас рухани қазына

2018-11-06 05:45:02

Елімізде Қазақстан Республикасы Президенті Нұрсұлтан Назарбаевтың «Болашаққа бағдар: Рухани жаңғыру» атты бағдарламалық мақаласында қоғамдық және гуманитарлық ғылымдарды дамыту бойынша «Жаңа гуманитарлық білім. Қазақ тіліндегі 100 жаңа оқулық» жобасы іске асырылуда. «Гуманитарлық білім. Қазақ тіліндегі 100 жаңа оқулық» жобасы аясында қазақ тіліне аударылған 17 кітаптың 1504 данасы Махамбет Өтемісов атындағы Батыс Қазақстан мемлекеттік университетінің ғылыми кітапханасына келіп түсті. Осы жоба негізінде ғылыми кітапхананың 4 оқу залында психология саласына арналған Эллиот Аронсонның «Көпке ұмтылған жалғыз: әлеуметтік психологияға кіріспе» 11-басылым, Дэвид Дж. Майерс «Әлеуметтік психология» 12-басылым, Дуэйн Щульц, Сидней Эллен Шульц «Қазіргі психология тарихы» 11-басылымдары бойынша кітапханашы Г. Шаденова библиографиялық шолуы өтті.

Педагогика-психология кафедрасының аға оқытушысы Н. Кулдашова кітапқа қатысты өз пікірінде:сыртқы ортаға бағынуды, өзін-өзі ақтап алуды, ең бастысы адам психологиясындағы ерекшеліктерге мұқият болуды баулитынын атап өтті. Және де осы кітап жөнінде ПИП-11,13, ПИП-31,33 студенттері өз пікірлерімен бөлісті.

Осы жоба аясында Д. Джонстонның «Философияның қысқаша тарихы: Сократтан Дерридаға дейін», Б. Дэвид «Әлеуметтану негіздері» 9-басылым кітаптарына кітапханашы Мақпал Ғалиқызы шолу жасады. Бұл шараға тарих, экономика және құқық факультетінің ИСТР-21, РЕГ-11, МО-21 топтарының студенттері қатысты.

Тарих ғылымдарының кандидаты, аға оқытушы Гиззатов Саялбек кітап жөніндегі өзінің ойымен бөлісе отырып, студенттерге философиялық ойдың даму тарихына айрықша үлес қосу барысында танымал 15 ойшылдың шығармашылығымен еңбектерін оқуды ұсынды.

Бұл кітап бойынша 2-курс студенті Бекболат Ныгметжанов оқулық жөнінде өз пікірін білдірді. Реми Хесс «Философияның таңдаулы 25 кітабы», Алан Барнард «Антропология тарихы мен теориясы», Джорж Ритцер «Әлеуметтану теориясы» 10-басылым атты кітаптарына кітапханашы шолу жасау барысында студенттерге кітаптың шығу құрылымын таныстырды. Тарих ғылымдарының кандидаты Журасова Алтынай Шугаевна батыс философиясы дамуының елеулі кезендерін, батыстың аса көрнекті ойшылдарының 25 шығармасын атап өтті. Кітап көрмесі кемелденген кешке қаржы, аймақтану мамандықтарының УА-11,УА-21,Уа-31,Ф-11, Ф-21, Ф-31, РЕГ-11 топтары қатысып,студенттер өз пікірлерімен бөлісті. №1 оқу залында филология мамандықтарына арналған В. Фромкин «Тіл біліміне кіріспе», С. Тер-Минасова «Тіл және мәдениетаралық коммуникация» кітабына кітапханашы Садап Нұрғалиева шолу жасады. Шолу барысында кітаптың филология студенттеріне және осы салада ғылыми жұмыстармен айналысып жүрген жас мамандарға арналғандығын атап өтті. Филология ғылымдарының доценті Ақзия Ниязғалиева студенттер құрамына кітаптың мазмұны мен келешек ұрпаққа берер мол мұрасының ерекшеліктерін айтты.

Филология: қазақ тілі мамандығының 3-курс студенті Сарсенғалиева Гүлмира тіл білімінің жалпы әлемдік деңгейдегі пайда болу үрдісі мен қазіргі тіл білімі саласының қарқынды дамуы жөнінде негізгі дәйектемелермен өз ойын баяндады. Болашақта осы дүниелердің терең білімді ұрпақ қалыптастыруға септігінің зор болатынын айқын атап өтті. Кітапханашы С.Сакаева К.Шваб «Төртінші индустриялық революция», Н. Грегори «Экономикс», Рикки У. «Менеджмент» 12 басылым, Дональд Ф. Куратко «Кәсіпкерлік: теория, процесс, практика, 10-басылым» келіп түскен кітаптарға библиографиялық шолу жасады. Шараға экономика және менеджмент кафедрасының аға оқытушысы, магистр Егзалиева Асел Болатқалиқызы, аға оқытушы Янтурсина З. Ю. және экономика және туризм факультетінің студенттері қатысты. Асел Болатқалиқызы сөз алып, Гриффин «Менеджмент» оқулығының ең үлкен артық­шы­лығы – теориядан бөлек, шет мем­лекеттердегі орта, шағын, ірі кә­сіпорындардағы басқару тәсіл­дерінің нақты компанияларда қа­лай қолданылғаны, сол арқылы қан­дай жетістіктерге қол жет­кізіл­гендігі жөнінде нақты түрде деректемелер келтірілгенін баса айтты. Клаус Швабтыңда ең­бегі осал дүние емес.

Ол өзінің «Төртінші индустриялық ре­волю­ция» кітабында бірқатар эко­номикалық процестерге жан-жақ­ты баға беруге тырысады. Студенттер құрамы кітап жөнінде өз ойларымен бөлісті. Кітапханашы А. Габдуалиева Карен Армстронг «Идуаизм, хриастандық пен исламдағы 4000 жылдық ізденіс: Құдайтану Баяны», Энтон Джон Патрик Кеннидің «Батыс философиясының жаңа тарихы. 1 том Антика философиясы», Энтони Джон Патрик Кенни «Батыс философиясының жаңа тарихы 2 том. Орта ғасыр философиясы» атты кітаптар тізбегіне шолу жасалды. Биология және география факультетінің Б-11, Г-11 топ студенттері қатысты. Факультет деканы Тургумбаев А. А. және философия пәнінің оқытушысы Г. Молдашева әлемдік деңгейде үздік саналатын бұл оқулықтарды енді мемлекеттік тілде оқуға мүмкіндік бар екендігін атап өтті.

Жобаның екінші кезеңінің басты жаңалығы-педагогика, әдебиеттану, мәдениеттану, тарих, дипломатия, халықаралық заң және халықаралық бизнес құқығы бойынша оқу құралдарының қазақшаға аударылуы. Аудармашылар мен редакторлар әлем тілдеріндегі оқулық мазмұнын өзгертпей, сол қалпында жеткізу принципін ұсынды. Елбасының сарабдал саясаты мен ұлт жолындағы ұстанымдары болашаққа бағдар көрсетумен қатар алдағы рухани дамуымыздың өзегіне айналарына сеніміміз мол. Рухани даму жолындағы іргетастың «кітап» ұғымымен бірге қалануы - еліміздің қарқынды даму жолының асқарлы шыңына қарай қадамдататыны, рухани өмір сүру барысын ілгерілететіні сөзсіз белгілі.

 

til

 

Халқының дара туған перзенті

2018-11-02 05:38:52

25102018

Ұлттық әдебиетіміздің жаңа кезеңі ХХ ғасыр басындағы дәуірдің шындығын, қоғамдық ой – пікірдің дамуын, әдебиетті жаңа сатыға көтерген ірі суреткер, реалист ақын Сұлтанмахмұт Торайғыровтың 125 жыл толуына орай М. Өтемісов атындағы Батыс Қазақстан мемлекеттік университетінің ғылыми кітапхананың ғалымдар залында «Мәңгі өшпес жарқын жұлдыз» атты әдеби кеш өткізілді. Аталмыш шараға оқытушылар құрамы мен филология, математика факультеттерінің студенттер құрамы қатысты. Әдеби кештің мақсаты Ұлы тұлғаның өлеңдері арқылы адамгершілікке, мейірімділікке, еңбексүйгіштікке тәрбиелеу. Шара барысында филология кафедрасының доценті, филология ғылымдарының кандидаты Шаекенов Жангелді Жұмақайұлы ақынның өмірбаяны мен көп қырлы және түрлі жанрдағы бай мұрасы мен өлеңдерінің жастарға берер мол мұрасымен бөлісті.

Шара барысында филология факультетінің 1- курс студенті Сламғали Аманжол ақынның «Шәкірт ойы» өлеңін, Фил -11 тобының студенті Алдабергенова Асел, 2- курс студенті Кінәмә Ернұр «Мен қазақ» өлеңін нақышына келтіріп толғаныс пен оқыды. С. Торайғыровтың озық шығармалары әдебиет дамуының желісін, кезеңін көрсетіп қоймайды сонымен бірге қазақ халқының сол замандағы қоғамдық ой – пікірінің зор белесі болып табылады. С. Торайғыровтың «Қамар сұлу» романынан үзінді қойылды.

Көрініске филология факультетінің 2- курс студенті Кінәмә Ернұр, 1- курс студенттері Серіков Бақытжан, Сламғали Аманжол, Умарова Камила, Алдабергенова Асел қатысып, өнерлерімен тәнтті етті. «Жырлайды жүрек» атты кітап көрмесінде ақынның өмірімен кітаптары тізбектелген. Кеш соңында ғылыми кітапхананың оқу залының меңгерушісі А.О.Габдуалиева студенттер құрамына өз ризашылығын білдірді.

Сұлтанмахмұт Торайғыровтың елі үшін еткен еңбегі ел есінде мәңгі сақталары сөзсіз.

 

25102018-1

25102018-2

25102018-3
 

Латын әліпбиіне көшу – рухани жаңғыру талабы

2018-09-27 10:09:33

27092018

Елбасы Нұрсұлтан Әбішұлы Назарбаевтың «Болашаққа бағдар: рухани жаңғыру» атты бағдарламалық мақаласында 2025 жылға дейін латын әліпбиіне көшуге кірісуіміз керектігін және болашақта барлық саладағы іс- қағаздар мен оқулықтар да осы қаріппен жазылуы тиіс екенін атап өтті. Осыған орай М. Өтемісов атындағы Батыс Қазақстан мемлекеттік университетінің Ғылыми кітапханасында оқытушылар құрамы мен педагогика және психология, филология факультетінің 1- курс студенттері арасында «Латын әліпбиіне көшу – қазақ тілінің жаңа белесі» тақырыбында дөңгелек үстел ұйымдастырылды.

Аталмыш шараға филология ғылымдарының докторы, Сабыр Мұрат Бөкенбайұлы, доцент, филология ғылымдарының докторы Хасанов Ғабит Қайыржанұлы, тіл маманы, филология ғылымдарының кандидаты Аронов Құспан Ғұмарұлы, филология ғылымдарының кандидаты, доцент Шайекенов Жангелді Жұмақайұлы және студенттер құрамы қатысты. Шара барысында, латын графикасын негізге ала отырып, студенттерге латын әрпінің таңбалануын түсіндіріп берді. Латын әліпбиіне көшудің ең басты қажеттілігі мен қазақ тіліндегі сөздердің айтылуындағы өзгерістер, ұтымды тұстары талқыланды. Одан әрі студенттер қазақ жазуын кириллицадан латын тіліне көшіру мәселесіне қатысты ой-пікірлерімен бөлісіп, өздерінің көкейтесті сұрақтарына жауап алды. Ғылыми кітапхана кітапханашысы Нұрғалиева Садап Сүйесінқызы «Латын әліпбиіне көшу – уақыт талабы » атты әдебиеттер көрмесіне шолу жасады. Кітап көрмесі үш бөлімнен тұрады. Бірінші бөлімінде «Рухани жаңғыру: болашаққа бағдар» жолдауына байланысты баспасөз бетіндегі жарияланымдар қойылған. Екінші бөлімінде қазіргі таңдағы өзекті мәселе болып отырған Латын тіліне көшу жөнінде жазылған сын-пікірлер топтастырылған. Қорытынды бөлімінде ғылыми кітапхана қорының сирек кітаптар мұражайындағы латын әрпімен жазылған құнды кітаптар көрмеленген.

270920181Қорыта келгенде, қазақ тілінің латын әліпбиіне көшуі тіліміздің әрі қарай жаңғыруына жақсы ықпал етері сөзсіз. Мемлекеттік тілдің латын әрпіне көшуі- заман талабы. Латын әліпбиіне көшу ұлтымыздың санасын бұғаудан босатады, түркі және жаһандық әлемімен ықпалдасуға, қазақ халқы ертеден қолданған әліпбиімізге қайта оралып, ұлттық санамыздың қайта жаңғыруына жол ашады ғой деген ойдамыз.

 

Ғылым бейнетекасы

ВИРТУАЛДЫ ТУР

СЕРІКТЕСТІКТЕР

joomla

Powered by Joomlamaster.org.uatogether with Joomstudio.com.ua