ЖОЛДАУ ТАЛҚЫЛАНДЫ

Студенттерді Қазақстан Республикасының Президенті Қасым-Жомарт Кемелұлы Тоқаевтың «Сындарлы қоғамдық диалог – Қазақстанның тұрақтылығы мен өркендеуінің негізі» атты жолдауының мазмұнымен таныстыру, талдау жасау; Жастардың бойына отаншылдық, ұлтжандылық қасиеттерін қалыптастырып, жас ұрпақты Қазақстан мемлекетін өркендету жолындағы жауапкершілікке тәрбиелеу мақсатында Махамбет Өтемісов атындағы Батыс Қазақстан мемлекеттік университетінде Педагогика факультетінің ұйымдастыруымен дөңгелек үстел оздырылды. Оқу орнының профессор-оқытушылары мен студенттері қатысқан жиынды Дүниежүзілік тарих және ӘСП кафедрасының доценті Б.Боранбаева ашып, жүргізіп отырды. Жиында алғашқы сөз кезегін алған факультет деканы Ақмарал Сағынтайқызы мемлекет басшысының жолдауының негізгі мақсаттары мен міндеттеріне тоқталып, көпшілікті ел дамуындағы осы маңызды бастамаларды қолдауға шақырды. Дүниежүзілік тарих және ӘСП кафедрасының доценті Б.Боранбаева қатысушыларды жолдаудың мазмұнымен таныстырып, оның бес тарауында қамтылған еліміздің әлеуметтік-экономикалық, мәдени-рухани және саяси дамуының барлық тармақтары жөнінде кеңінен әңгімелеп берді. Өз кезегінде студенттер қауымы ел Президенті тоқталған еліміздегі жастар саясаты, сапалы білім беру, «Еріктілер жылы», «Дипломмен ауылға!» бағдарламасы, мұғалімдердің еңбекақысының екі есеге артатындығы төңірегінде өз ойларымен бөлісіп, пайымды пікірлерін білдірді. Шара соңында студенттерге ой-талқы сұрақтар қойылып, жауаптары тыңдалды. Жиын естелік суретке түсумен қорытындыланды.

                                                                                                                                                          

                                                                                                                                                                      Азиза СУЙНШКАЛИЕВА,

                                                                                                                                                                      «Өркен» газеті

Студенты ЗКГУ поддерживают Послание Президента!

10 октября  в стенах ЗКГУ им. М.Утемисова, на факультете культуры и искусства, состоялось мероприятие, посвященное обсуждению Послания Президента К.Токаева. Модератор мероприятия, старший преподаватель кафедры Всемирной истории и социально-политических дисциплин Шайхиев Турар Тулегенович в своем вступительном слове отметил важность основных приоритетов, обозначенных в Послании Президента. Выступила с докладом преподаватель кафедры Всемирной истории и социально-политических дисциплин Бекжанова Т.С., она подчеркнула, что в этом году один из пунктов Послания направлен на образование в ВУЗ-ах,  что в стране создаются комфортные условия для проживания, получения образования, медицинской помощи и ведения бизнеса.Выступили с докладами также студенты: Кыркбаева А., Бекбауова А. Доклады спикеров  были очень насыщенными и содержательными. Все участники приняли активное участие в обсуждении Послания Президента государства, посвященного развитию страны. Следующим этапом мероприятия стал блиц-опрос, посвященный основным разделам Послания. Блиц-опрос вызвал живой интерес у студенческой аудитории. Ребятам были вручены дипломы  за активное участие. В завершение мероприятия участники пришли к общему мнению о том, что благодаря политической стабильности в Казахстане созданы все условия для модернизации экономики, политики и образования. Особое внимание было уделено основным задачам повышения качества жизни, качества образования и сопричастности каждого казахстанца процессам преобразований в стране.

 

Пос 5   Пос 6

 

 

                                                                                                                                                             Алтыншаш ДАНДЫКУЛОВА

ЖОЛДАУ ЖОЛДАРЫ КЕҢІНЕН ТҮСІНДІРІЛДІ

Мемлекет басшысы Қасым-Жомарт Кемелұлы Тоқаев 2-қыркүйек күні "Сындарлы қоғамдық диалог - Қазақстанның тұрақтылығы мен өркендеуінің негізі" атты Қазақстан халқына алғашқы Жолдауын жолдаған болатын. Аталмыш Жолдау М.Өтемісов атындағы БҚМУ  оқытушылары мен студенттері арасында кеңінен талқыға түсті. Осы орайда 10-қазан күні филология факультетінің студенттері арасында шағын дəріс тыңдалып, Жолдаудың маңыздылығы мен міндеттері, мүмкіндіктері мен мақсаттары, айқын бағыттарын түсіндіруге арналған шара өтті. Шара барысында Дүниежүзілік тарих жəне əлеуметтік пəндер кафедрасының аға оқытушысы А.К.Нурманова өзінің "Ел дамуының негізгі бағыттарын айқындайтын бағдарлы Жолдау" атты баяндамасын оқып, доцент С.М.Гиззатов Жолдаудың тиімділігін, бүгінгі күннің нақты, көптің көкейінде жүрген мəселелерін қозғағандығын айтып өтті. Сонымен қоса, Жолдау тақырыбының өзектілігін ашу мақсатында интеллектуалды сайыс өткізілді. Оған филология факультетінің студенттерінен құралған "Прагматиктер", "Фаворит", "Эйнштейн" топтары қатысып, бақ сынады. Сайыс барысында студенттерге сұрақтар қойылып, пікір алмасты. Жолдау тақырыбының мемлекет үшін маңызы зор екендігі туралы өз ойларын айтып, постерге қорғады. Нəтижесінде оқ бойы озық шыққан "Фаворит" тобы жеңімпаз атанып, барлық қатысушы топтар арнайы дипломдармен марапатталды.

 

ЖОлдау 1 Жолдау 2

                                                                                                                                                                                                  Шұғыла ЕҢСЕП,

                                                                                                                                                                                                  Филология факультетінің І курс студенті

Президент Жолдауы талқыланды

Президентіміз Қасым-Жомарт Кемелұлы Тоқаевтың «Сындарлы қоғамдық диалог – Қазақстанның тұрақтылығы мен өркендеуінің  негізі» атты Қазақстан халқына жолдауы  қызу талқылануда. М.Өтемісов атындағы Батыс Қазақстан мемлекеттік университетінің ұстаздары да студенттерге жолдауды түсіндіруде бірқатар жұмыстар атқаруда. Осы орайда 9 қазан күні  жаратылыстану-география факультетінде жолдауды талқылауға арналған шара өтті. Оған факультет ұстаздары мен студенттер қауымы қатысты. Отырысты философия ғылымдарының канидаты, доцент Гульнара Мулдашева кіріспе сөзімен бастап, «Единство нации – в ее многообразии»  тақырыбында баяндама оқыды. Ол өз баяндамасында жолдауда айтылған негізгі мәселелерге тоқталып,  ел Президентінің  үкіметке қойып отырған талаптарын, Қазақстан халқына жүктелген  тапсырмаларын түсінікті етіп жеткізді. Сондай-ақ, кездесу барысында ұстаздар мен студенттер жолдаудағы негізгі міндеттерге қатысты баяндамалар оқып, өз ойларын ортаға салды. Атап айтар болсақ,  тарих магистрі,  дүниежүзілік тарих және әлеуметтік-саяси пәндер  кафедрасының оқытушысы Жадыра Калиева «Жолдау – 2019: әлеуметтік дамудағы жаңа мүмкіндіктер», «Әлеуметтану»  мамандығының 4-курс студенттері Айкөркем Батырханқызы «Жолдау бойынша мемлекетіміздегі әлеуметтік мәселелердің шешілу жолдары», Ажар Кенжетайқызы «Әлеуметтік саясатты жүргізудегі басымдықтар», «Биология» мамандығының 3-курс студенті Жұлдыз Өтелгенова «Әлеуметтік жаңғырудағы жаңа Қазақстан», «Экология»  мамандығының 1-курс студенті Ақкүміс Жасанова «Қарқынды дамыған және инклюзивті экономика» тақырыптарында баяндамаларын баяндады.Шара соңында студенттер  Мемлекет басшысының тың бастамалар көтеріп, барша қазақстандықтар алдына үлкен міндеттер қойып отырған бұл жолдауын бірауыздан қолдайтындарын білдірді.

                                                                                                                                                                                Азиза СУЙНШКАЛИЕВА,

                                                                                                                                                                               «Өркен» газеті

СЫНДАРЛЫ ҚОҒАМДЫҚ ДИАЛОГ – ҚАЗАҚСТАННЫҢ ТҰРАҚТЫЛЫҒЫ МЕН ӨРКЕНДЕУІНІҢ НЕГІЗІ

Жақында ҚР Президенті Қасым-Жомарт Тоқаев халыққа алғашқы Жолдауын жолдады. Қасым-Жомарт Кемелұлы Тоқаев осы уақыт ішінде Қазақстанның Тұңғыш Президенті – Елбасы Нұрсұлтан Әбішұлы Назарбаевтың басшылығымен еліміз әлемдегі беделді, әрі орнықты мемлекетке айналғанын тілге тиек ете отырып, елімізді дамудың жаңа сапалы кезеңіне шығару үшін Елбасы саясатының сабақтастығын сақтап, жүйелі реформалар жүргізу арқылы қол жеткізе алатынымызды алға тартты.

Жолдауды 5 тарауға бөлген ҚР Президенті: «Мықты президент – беделді парламент – ісіне есеп беретін үкімет – мемлекеттің тұрақтылық формуласы» деп атап көрсетті. Президенттің пайымдауынша, Қазақстан билігінің басты мақсаты – азаматтардың талабына дер кезінде құлақ түретін мемлекетке айналу.

Жолдауда қозғалған үлкен мәселелердің бірі – мұғалімдердің еңбекақысын екі есеге көтеру, яғни 2020 жылдан бастап мұғалімдердің жалақысы 25%-ға артады. Болашақ мұғалім болғандықтан Президентіміздің бұл бастамасын толықтай қолдаймын. Қазіргі кезде мұғалімнің статусы айтарлықтай жоғары деңгейде емес, осы себептен көптеген жастар мұғалім мамандығынан шеттеп жатады. Бұл бастама жас мамандар үшін үлкен мотивация болатынына сенімім мол. Осы тақырыпқа орай «Дипломмен – ауылға» бағдарламасының аясын кеңейтіп, жұмысты жаңа деңгейде жалғастыруымыз қажет. Үкіметке келесі жылдан бастап осы бағдарламаны қаржыландыруды 20 миллиард теңгеге жеткізуді тапсырамын» - деді Президент. Бұл дегеніміз ауылдық аймақтардағы мұғалім тапшылығын шешудің бірден-бір жолы деп есептеймін.

 

Молдир Даулетова,

Филология факультетінің 4-курс студенті

 

ПОСЛАНИЕ ПРЕЗИДЕНТА - НОВЫЙ ЭТАП ДЕМОКРАТИЧЕСКОГО РАЗВИТИЯ КАЗАХСТАНА

13 сентября в Западно-Казахстанском государственном университете им. М.Утемисова состоялся круглый стол, посвященный Посланию Президента Казахстана К.К. Токаева к народу Казахстана «Конструктивный общественный диалог – основа стабильности и процветания Казахстана».

В мероприятии приняли участие проректоры, руководители структурных подразделений, профессорско-преподавательский состав и студенты. С докладами выступили: эксперт КГУ«Қоғамдық келісім» аппарата акима ЗКО («План АНК ЗКО по реализации Послания Президента») Э.С. Дюсенгалиев, доцент кафедры мировая история и социально-политические предметы К.М. Науанова («Послание Президента: новые возможности развития»), научный сотрудник института «Рухани жаңғыру» Д.Ж. Танзенов («Президент жолдауы – ел өркендеуінің кепілі»). Выступающие остановились на ключевых направлениях Послания, отметив, что данный политический документ станет важным ориентиром, определяющим для органов исполнительной власти и общества цели и задачи развития страны на предстоящий период.

Круглый стол открыл проректор университета Асет Тасмагамбетов. Он подчеркнул основные инициативы, озвученные в нынешнем Послании. Особый акцент был сделан на проводимой реформе образования в нашей стране и повышении качества образования в высших учебных заведениях Казахстана.

В ходе круглого стола участники поделились своими мнениями относительно положений Послания.

В завершение круглого стола доктор наук, директор института ««Рухани жаңғыру» - Абат Кыдыршаев, поблагодарил участников, подчеркнув, что обмен мнениями и проведение подобных мероприятий будет способствовать дальнейшему развитию нашего университета и росту гражданской позиции молодого поколения.

 

ДАНДЫКУЛОВА Алтыншаш

 

ЖОЛДАУ – ЖАҢА МҮМКІНДІК

Қазақстанның экономикасы жо­ғарыға сатылай көтеріліп, ретімен дамып келеді, яғни мұнда экономика­ның экстенсивті дамытудан интен­сив­ті дамытуға көшкенін анық көруге болады. Тарқатып айт­қанда, бұрынғыдай жаратылыс байлықтарын, шикізатты экспорт­қ­а шығаруға басымдық бермей, жа­ңа технологияларды пайдалану­ға, керекті өнімдерді еліміздің өзін­­де өндіруге, сыртқа дайын заттарды шығаруға ден қойылды. Біздің Президентіміз елдің экономикасымен қатар жастардың бүгіні мен болашағына қамқорлық жасауды өз саясатының негізгі мәні деп санайды. Осыған байланысты 2019 жылдың 2 қыркүйегінде Қазақстан Республикасының Президенті Қасым-Жомарт Тоқаев Қазақстан халқына жолдау жасаған болатын. Бұл үлкендердің, сонымен қатар кіші буынның да жағдайын жасауға арналған жолдау болды деп есептеймін. Себебі6 үлкендер үшін зейнетақы мәселесі, ал кіші буын үшін оқу бағдарламалары жөнінде мәселелер қаралды. Мен өзім студент болғандықтан маған қатты ұнағаны - "Дипломмен ауылға" жобасы. Қазіргі таңда ауылдық жерлерде ең керекті маман иелері тапшы немесе жоқтың қасы. Сондықтан осындай жағдайларды азайту үшін, сонымен қатар дарынды ауыл жастарын іріктеп, отандық және шетелдік жоғары оқу орындарына дайындау мақсатында Президентіміз 20 млрд. теңге қаржы бөліп, бұл бағдарламаның аясын кеңейтіп, жұмысты жаңа деңгейге көтеруді тапсырды. Бұл - ауылда тұратын халық үшін үлкен жаңалық болатыны сөзсіз!

 

Жұлдыз Өтелгенова,

Биология мамандығының 3-курс студенті,

ҚР Тұңғыш Президенті атындағы атаулы шәкіртақы иегері

 

ПРЕЗИДЕНТ ЖОЛДАУЫ – ЖАСТАРДЫ ҚОЛДАУЫ

Егемендік айнасы, өмір шындығы емірене жұтар еркіндік самалын аңсаған бабаларымыз қылыш сермеп атқа қонды, жан берісті. Тар жол, тайғақ кешкен кезеңдерде ата-баба сенімі жанға медеу бола білді. Алаш елі азаттық жолында бар күшін жұмсап бақты, еңбегі еш кетпеді, есеңгіреді, бірақ есінен адасқан жоқ, сүрінді, бірақ, жығылған жоқ. Беріктікті, қайсарлықты ту еткен ата-бабаларымыз намыс, ар-ождан үшін айқасты. Осындай намыс оты жалындаған парасатты тұлғаларымыздың толассыз дауылды жорықтарының нәтижесінде еліміз жатса түсінен, тұрса есінен кетпеген тәуелсіздікке қол жеткізді. Үкілі үмітті арқалаған, жалынды өр-рухпен болашаққа қадам жасаған еліміздің егемендігін Еуропаның, Азияның, төрткіл дүниенің дамыған алпауыт елдері мойындады.

Мемлекет басшысы Қасым-Жомарт Тоқаевтың жүргізіп отырған сындарлы саясатын күні кеше халыққа жолдаған жолдауынан көруге болады. Бұл жолдауында Президент қай мамандық иесі болмасын бас иетін көреген ұстаз мәртебесі, шағын және орта бизнестің дамуына жол ашу, партия құрылысы үдерісін жалғастыру, заңсыздыққа барған сыбайлас жемқорлыққа қарсы іс-қимылдары органдарының қызметкерлерін қатаң жазалау мәселесі, жер ресурстарын тиімді пайдалану, медициналық қызмет көрсетудің сапасы, мәдениет қызметкерлерін қолдау, әлеуметтік көмек көрсету жүйесі, зейнетақы жүйесінің тиімділігін арттыру секілді сайлауалды бағдарлама негізіндегі міндерттерді атап көрсетті.

Біз – болашақты бағындырар жас толқынбыз, ерен елдің ұрпағымыз. Елімізді реформалаудың жаңа кезенінде оң өзгерістерге табанды талап пен нәтижелі жұмыстың нәтижесінде ғана қол жеткіземіз. Ендеше, Президент Қасым-Жомарт Кемелұлы Тоқаевтың жолдауы – жалындай жігерлі, арландай айбатты, найзадай өткір перзенттердің қолдауы!

 

Айгерим Батыргалиева,

ҚТӘ-33 тобының студенті

 

Мемлекет басшысы Қасым-Жомарт Кемелұлы Тоқаев Қазақстан халқына

Мемлекет басшысы Қасым-Жомарт Кемелұлы Тоқаев Қазақстан халқына «Сындарлы қоғамдық диалог - Қазақстанның тұрақтылығы мен өркендеуінің негізі» атты тұңғыш жолдауын жариялап, еліміздегі бірқатар түйіні шешілмеген мәселелерге тоқталып өтті. Жолдауда ішкі саясаттың, мемлекеттік институттарды нығайтудың, азаматтардың құқықтары мен бостандықтарын қорғаудың, экономиканы жаңғыртудың, халықты әлеуметтік қамсыздандырудың негізгі мәселелері аталып өтіп, бірқатар шешімдер ұсынылып, еліміздің жасампаздық жолын жалғастырудың басым бағыттарын батыл ойлармен белгілеп берді.

Президентіміздің жолдауында отбасы және бала институтын қолдау және инклюзивті қоғам құруды қарастырғаны, жасөспірімдер арасында көбейіп кеткен суицид мәселесі, бала құқығын қорғау және тұрмыстық зорлық-зомбылықтан зардап шеккен балалар мен олардың отбасын қорғау жөнінде жаңа толыққанды жоба даярлау қажеттігін атап өткендігі ерекше ұнады. Қазіргі қоғамда ұлт мүддесін қарастырған кезде отбасы мен мемлекет егіз ұғым екенін ескеру қажет. Қазіргі қоғамда ажырасу, зорлық- зомбылық кең етек жаюда. Мұны қазірден бастап қолға алмасақ, отбасы деген құндылық жойылады. Даңқты қолбасшы, Кеңес Одағының Батыры Бауыржан Момышұлы «Отбасының өнегесі- Отан өнегесі» деген екен. Біз әлемдік аренада ойып орын алатындай, белдескеннің белін сындырар, тірескеннің тізесін бүктірер ел болу үшін бесігімізді түзеуіміз қажет. Отбасы деген құндылық жойылар болса, ұлт мүддесі туралы тақырыпты қозғаудың тіптен қажеті жоқ. Сондықтан отбасы институтын жаңғыртып, оны сақтау қажет.

Мемлекетіміздің ендігі мақсаты мен міндеті - егемендік жылдары қол жеткізген жетістіктерімізді сақтай отырып, «Халық үніне құлақ асатын мемлекетті» қалыптастырып, бір жеңнен қол, бір жағадан бас шығара отырып жалпыға ортақ еңбектің негізінде берекелі қоғам құру.

Елбасымыздың жолдауының халықтың бірқатар түйіні шешілмеген күрмеулі мәселелерді қамтығаны жастардың болашаққа деген сенімін нығайтып, Еліміздің әлемдік аренадағы орнын бекемдеуге, халықтың тадауының дұрыстығына екінші мәрте көз жеткізуге ықпал етті.

 

Хадиша Қойланова,

Есеп және аудит мамандығының 4-курс студенті,

ҚР Президенті атыңдағы шәкіртақы иегері

 

ЕРІКТІЛІК – АДАМГЕРШІЛІК НЕГІЗІ

ҚР Президенті Қасым-Жомарт Кемелұлы Тоқаевтың 2019 жылы 2 қыркүйегіндегі жолдауында айтылғандай 2020 жыл “Волонтер жылы” деп жарияланды. Волонтер – бұл ар-ұжданы таза, жан дүниесі бай адам. Волонтерлік жұмыс, әсіресе, жастар үшін пайдалы, себебі ол кәсібилікке, шыдамдылыққа, жауапкершілікке үйретеді, жаңа қызығушылықтар мен таныстарды табуға мүмкіндік береді. Волонтерлік жұмыстың ең кереметі – көмек көрсету түрінің көптігі. Сондықтан кез келген адам өзіне ұнаған ісімен айналыса алады. “Мен волонтер болғым келеді” деген ойыңыз болса, “мен одан қандай пайда табамын” деген ой да туындауы мүмкін. Волонтер болу барысында сіз жалақы, не басқа да материалдық қажеттіліктеріңізді өтемейсіз, себебі волонтерлік жұмыс бұл - ең алдымен әр адамның өзінің еріктілігі, өзінің таңдауы. Бірақ, сіз оның орнына адамдарға жақсылық жасап, өзіңіз де жақсылыққа кенелесіз, волонтерлік бағдарламаларға қатысып, басқа жерлерге де бара аласыз, болашақ мамандығыңыздың іргетасын қалайсыз, бойындағы дарыныңыздың ашылуына мүмкіндік бересіз. Волонтерлік жұмыспен айналысқан кездегі ең керемет сый – сіздің көмегіңізге мұқтаж болған жанның алғысы, ризашылығы. “Жастар жылы” аясында М.Өтемісов атындағы БҚМУ жаратылыстану-география факультетінің жанынан “Шапағат” еріктілер ұйымы ашылған болатын. Бұл ұйым қайырымдылық жәрмеңкелерін ұйымдастырып, “#жақсылықжаса”, “#отбасыкөмек” сияқты акцияларға қатысу арқылы өз үлестерін қосып, көп балалы, әлеуметтік жағдайы төмен отбасыларға, аналар үйіне, балалар үйіне барып, септігін тигізген болатын. Алдағы уақытта болатын “Волонтер жылында” бұл ұйымның өз қатарына жаңадан жастарды қосып, ауқымын кеңейтіп, көптеген адамдарға қолғабыс болатынына сенімдімін. Сол жастардың қатарында сіз де боласыз деп үміттенемін.

 

Гаухар Казбенова, химия мамандығының 3-курс студенті,

ҚР Тұңғыш Президенті атындағы шәкіртақы иегері

 

VIRTUAL TOUR

PARTNERS

joomla

Powered by Joomlamaster.org.uatogether with Joomstudio.com.ua